CWG 2022: સંકેત બાદ ગુરુરાજાએ વેટલિફ્ટિંગમાં જીત્યો કાંસ્ય પદક, ભારતના નામે કુલ 2 મેડલ

બર્મિંગહામ કોમનવેલ્થ ગેમ્સ 2022 (Commonwealth Games 2022) ના બીજા દિવસે ભારતે તેનો બીજો મેડલ જીત્યો. વેઈટલિફ્ટિંગ સાથે ખાતું ખોલાવ્યા બાદ ભારતને આ જ ઈવેન્ટમાં વધુ એક મેડલ મળ્યો. આ વખતે ભારતની બેગ ગુરુરાજા પૂજારી (Gururaja Poojary) એ ભરી હતી. 29 વર્ષીય વેઈટલિફ્ટરે પુરુષોની 61 કિગ્રા વજન વર્ગમાં બ્રોન્ઝ મેડલ જીત્યો હતો. સતત બીજી કોમનવેલ્થ ગેમ્સમાં મેડલ જીતનાર ગુરુરાજાએ કુલ 269 કિલો વજન ઉપાડ્યું હતું. આ કેટેગરીમાં ગોલ્ડ અજનિલ બિન મુહમ્મદે જીત્યો હતો. જેણે કુલ 285 કિલો વજન ઉઠાવીને CWG માં નવો રેકોર્ડ બનાવ્યો હતો.

29 જુલાઈએ ગેમ્સના પહેલા દિવસે ભારતને કોઈ મેડલ મળ્યો ન હતો. પરંતુ બીજા દિવસે વેઈટલિફ્ટર્સે દેશનું ખાતું ખોલાવ્યું હતું. પ્રથમ 55 કિગ્રામાં 21 વર્ષીય સંકેત સરગરે સિલ્વર મેડલથી શરૂઆત કરી હતી. તે માત્ર એક કિલોથી ગોલ્ડ જીતવાથી ચૂકી ગયો હતો. ત્યાર બાદ લગભગ 2 કલાક બાદ ગુરુરાજા પૂજારીએ દેશ માટે બીજો ગોલ્ડ જીત્યો.

આવુ રહ્યું ગુરુરાજાનું પ્રદર્શન

ગુરુરાજા પુજારી (Gururaja Poojary) એ તેના ત્રણ સ્નેચ પ્રયાસોમાં સૌથી વધુ 118 કિલો વજન ઉપાડ્યું હતું. તે તેના બીજા પ્રયાસમાં આવ્યો. જ્યારે તેનો 120 કિલોનો ત્રીજો પ્રયાસ નિષ્ફળ ગયો હતો. ત્યાર બાદ ક્લીન એન્ડ જર્કમાં તેણે 144 કિગ્રાથી શરૂઆત કરી હતી. ત્યાર બાદ 148 સુધી પહોંચી શક્યો હતો અને પછી કુલ 269 કિગ્રા સાથે 151 કિગ્રા વજન ઉઠાવીને મેડલ પાક્કો કર્યો હતો. તેણે કેનેડાના યુરી સિમરાડને માત્ર 1 કિલોના મામૂલી અંતરથી હરાવ્યો. પાપુઆ ન્યુ ગિનીના મોરિયા બારુએ 273 કિલો સાથે સિલ્વર જીત્યો હતો.

સતત બીજી કોમનવેલ્થ ગેમ્સમાં મેડલ

કર્ણાટકના ઉડુપી જિલ્લાના ગુરુરાજા પૂજારીએ અગાઉ 2018 ગોલ્ડ કોસ્ટ કોમનવેલ્થ ગેમ્સમાં પણ મેડલ જીત્યો હતો. ત્યાર બાદ તેણે 56 કિગ્રા વર્ગમાં ભાગ લીધો અને સિલ્વર મેડલ જીત્યો હતો. આ વખતે તેણે કેટેગરીમાં ફેરફાર કર્યો અને 61 કિગ્રામાં આવ્યો. જ્યાં મેડલનો રંગ સિલ્વરથી બ્રોન્ઝમાં બદલાઈ ગયો હતો. પરંતુ તે ખાલી હાથે પાછો ફર્યો નહીં.