આ મધ્યમ વર્ગ તમામ પ્રકારની ડ્યૂટીઝ ચુકવે છે કે જેના બળે સરકાર વિકાસ યોજનાઓ ચલાવે છે. ત્યારે આજે રજૂ થનાર મોદી સરકારનું છેલ્લું વચગાળાનું બજેટ શું મધ્યમ વર્ગની આશા-અપેક્ષાઓ મુજબ રહેશે ?
દેશના મધ્યમ વર્ગની હાલની સૌથી મોટી અપેક્ષા ટૅક્સ છૂટની છે. આ વખતે ચૂંટણી મોસમમાં બજેટ રજૂ થવા જઈ રહ્યું છે, ત્યારે લોકોની આકાંક્ષાઓ આસમાને છે.
મોદી સરકારે જ્યારે તેનું છેલ્લું બજેટ રજૂ કરવા જઈ રહી છે, ત્યારે સૌના મનમાં પ્રશ્ન એ છે ખે પાંચ વર્ષથી પોતાના મનની વાત લોકોને સંભળાવતા વડાપ્રધાન નરેન્દ્ર મોદી દેશના લોકોના મનની વાત સાંભળશે? સરકારી આંકડાઓ મુજબ દર વર્ષે લગભગ 2 કરોડ 10 લાખ લોકો આઈટી રિટર્ન ભરે છે.
હાલમાં ટૅક્સ સ્લૅબ પ્રમાણે 2.50 લાખ સુધીની આવક ધરાવતા લોકો ટૅક્સના દાયરામાં આવે છે, ત્યારે લોોકની અપેક્ષા છે કે આ આવકવેરા મુક્તિ મર્યાદા વધારીને 5 લાખ કરી દેવામાં આવે.
બજેટથી યુવાનોને પણ ઘણી અપેક્ષાઓ છે કે જેઓ બેરોજગારીના વમળમાં ફસાયેલા છે. દર વર્ષે 30 લાખ નવા ગ્રેજ્યુએટ ઉમેરાઈ રહ્યા છે. દર વર્ષે 8 લાખ નવા એન્જિનિયર બજારમાં આવી રહ્યા છે, તો દર વર્ષે 5 લાખ કરતા વધુ એમબીએ પણ આ બેકારોની ભીડમાં સામેલ થઈ રહ્યા છે. આ તમામ લોકોને અપેક્ષા છે કે સરકાર બજેટમાં કંઇક એવું કરશે કે જેથી રોજગારાની નવી તકો સર્જાય.
સામાન્ય વર્ગના લોકો અને ગૃહિણીઓને પણ મોંઘવારીમાંથી રાહત મળે તેવા બજેટની અપેક્ષા છે.
[yop_poll id=955]
[youtube_channel resource=0 cache=300 random=1 fetch=10 num=1 ratio=3 responsive=1 width=306 display=thumbnail thumb_quality=hqdefault autoplay=1 norel=1 nobrand=1 showtitle=above titletag=h3 desclen=0 noanno=1 noinfo=1 link_to=channel goto_txt=”Watch more interesting videos on TV9 Gujarati YouTube channel”]
Published On - 2:55 am, Fri, 1 February 19