Tamilnadu Exit Poll Result 2021: તામિલનાડુના જંગમાં કોણ મારશે બાજી? એક નજર એક્ઝિટ પોલ પર

Tamilnadu Exit Poll Result : 6 એપ્રિલે તમિળનાડુની 232 વિધાનસભા બેઠકો પર એક સાથે એક જ તબક્કામાં મતદાન સમાપ્ત થયું. આ વખતે અહીંની ચૂંટણી વિશેષ છે કારણ કે એઆઈએડીએમકે ( AIADMK ) અને ડીએમકે ( DMK) બંને પક્ષો પાસે તેમના ચમત્કારિક ચહેરાઓ નથી (જયલલિતા અને એમ કરુણાનિધિ). અહીંની દરેક વખતની જેમ, AIADMK અને DMK વચ્ચે કાંટેની ટક્કર જોવા મળશે.

તમિલનાડુ સહિત પાંચ રાજ્યોમાં વિધાનસભાની ચૂંટણી માટે મતદાન પૂર્ણ થયું છે. હવે તમામની નજર પરિણામ પર છે, જેની જાહેરાત 2 મેના રોજ કરવામાં આવશે. આ પહેલા 29 એપ્રિલ એટલે કે ગુરુવારે બંગાળમાં મતદાનના છેલ્લા તબક્કા પછી તમામ એજન્સીઓના એક્ઝિટ પોલ બહાર આવી રહ્યા છે. તમિલનાડુમાં 6 એપ્રિલના રોજ એક તબક્કામાં 234 વિધાનસભા બેઠકો સાથે મતદાન યોજાયું હતું. આ સમય દરમિયાન 71.43 ટકા લોકોએ મતદાન કર્યું હતું. અહીં મુખ્ય મુકાબલો એઆઈએડીએમકે-ભાજપ ગઢ બંધન અને કોંગ્રેસ-ડીએમકે ગઢ બંધન વચ્ચે છે.

કોને મળશે બઢતી ?
રાજ્યમાં હાલમાં અન્નાદ્રમુક-બીજેપીની ગઠબંધન સરકાર છે. ચૂંટણી પહેલા અનેક એજન્સીઓ દ્વારા કરાયેલા ઓપિનિયન પોલ્સમાં આ વખતે શાસક ગઠબંધનને નુકસાન થવાની આગાહી કરવામાં આવી છે. લગભગ તમામ ઓપિનિયન પોલમાં, ડીએમકે-કોંગ્રેસ જોડાણ અગ્રેસર હોવાનું દર્શાવવામાં આવ્યું છે. જો કે, કોણ લીડમાં છે તે અંગે અંતિમ નિર્ણય 2 મેના રોજ આવશે. ચૂંટણી દરમિયાન ભાજપ અને એઆઈએડીએમકેએ લોકોને હાલાકી આપવામાં કોઈ કસર છોડી નહોતી.

વોટશેર અને બેઠકો

#TV9Exitpoll અનુસાર DMK+ને 44.90 ટકા,  ADMK+ને 36.80 ટકા,  અન્યને 18.30 ટકા વોટ શેર મળવાનો અંદાજ છે .
આ સાથે જો બેઠકની વાત કરવામાં આવે તો DMK+ને 143થી 153બેઠક, ADMK+ 70થી85 બેઠક, અન્યને 2થી 12 બેઠકો મળવાનો અંદાજ છે.

2016માં શું હતું પરિણામ ?
2016ની વિધાનસભાની ચૂંટણીની વાત કરીએ તો જેમાં જયલલિતાની આગેવાની હેઠળના એઆઈએડીએમકે-ભાજપ ગઠબંધનનો વિજય થયો હતો પરંતુ ડિસેમ્બર 2016માં જયલલિતાનું નિધન થયું હતું. આ પછી ઓ પન્નીરસેલ્વમ રાજ્યના મુખ્યમંત્રી બન્યા. થોડા દિવસ પછી તેણે પોતાનું પદ છોડી દીધું. આ પછી, ઇકે પલાનીસ્વામી 16 ડિસેમ્બર 2017ના રોજ તમિલનાડુના મુખ્યમંત્રી બન્યા. પલાનીસ્વામીના નેતૃત્વમાં ભાજપ-એઆઈએડીએમકે ગઠબંધને આ ચૂંટણી લડી હતી.