SURENDRANAGAR : સ્થાનિક સ્વરાજની ચૂંટણી પહેલા સુરેન્દ્રનગરના ચોટીલામાં ઝટકો લાગ્યો છે. સ્થાનિક સ્વરાજની ચૂંટણી પહેલા હવે પક્ષપલટાની મૌસમે જોર પકડ્યું છે.સુરેન્દ્રનગરના ચોટીલામાં કોંગ્રેસના હોદ્દેદારો અને કાર્યકરોએ ભાજપનો ખેસ ધારણ કરી લીધો છે. ચોટીલામાં શહેર કોંગ્રેસ પ્રમુખ, APMCના ડિરેકટર સહિતના હોદ્દેદારો ભાજપમાં જોડાઈ ગયા છે.
ચોટીલા શહેર કોંગ્રેસ પ્રમુખ અજય સામંડ ટેકેદારો સાથે ભાજપમાં જોડાયા છે.ઉલ્લેખનીય છે કે ટિકિટ ફાળવણીમાં જુથબંધી અને વ્હાલા દવલાની નીતીના આરોપ સાથે કોંગ્રેસ હોદ્દેદારોએ પક્ષ સાથે છેડો ફાડયો છે. જિલ્લા ભાજપ પ્રમુખ જગદીશ મકવાણા, શામજી ચૌહાણ, દિલીપ પટેલ સહિતના આગેવાનોએ તમામનું ભાજપનો ખેસ પહેરાવી સ્વાગત કર્યું હતું.ચૂંટણી પહેલા હોદ્દેદારોએ કોંગ્રેસ સાથે છેડો ફાડતા કોંગ્રેસને ઝટકો લાગ્યો છે.