વડાપ્રધાન મોદી 26મી એપ્રિલે કાશીથી ઉમેદવારી ફોર્મ ભરશે, શક્તિ-પ્રદર્શન માટે મેગા રોડ-શૉની પણ તૈયારી

વડાપ્રધાન મોદીએ ફરીથી કાશીથી ચૂંટણી લડવાનો નિર્ધાર કર્યો છે. જેને લઈને તેઓ આગામી 26 એપ્રિલના રોજ પોતાનું ઉમેદવારી ફોર્મ ભરવા જશે.

વડાપ્રધાન મોદી આ વખતે માત્ર કાશીની સીટ પરથી ચૂંટણી લડવા જઈ રહ્યાં છે. 2014માં તેઓ વડોદરાની સીટ પરથી પણ લડ્યા હતા જ્યારે આ વખતે મોદીએ માત્ર કાશીની સીટ પરથી જ લડવાનું નક્કી કર્યું છે. આ ઉમેદવારી નોંધાવવા માટે વડાપ્રધાન મોદી 26 એપ્રિલના રોજ પોતાનું ઉમેદવારી ફોર્મ ભરશે.

વડાપ્રધાન મોદીની સાથે પક્ષના અધ્યક્ષ સહિત અન્ય નેતાઓ પણ મોટી સંખ્યામાં હાજરી આપશે. એવું જાણવા મળી રહ્યું છે કે વડાપ્રધાનની સાથે રાજનાથ સિંહ, અરુણ જેટલી, નિતીન ગડકરી, સુષ્મા સ્વરાજ સહિત ભાજપ શાસિત રાજ્યોના મુખ્યમંત્રીઓ પણ હાજરી આપશે.

વડાપ્રધાન રોડ-શૉની સાથે શક્તિપ્રદર્શન પણ કરશે.

26 એપ્રિલના રોજ વડાપ્રધાન કાશી ખાતે પોતાનું ઉમેદવારી પત્રક ભરવા જઈ રહ્યાં છે ત્યારે તેઓ આ કામ પહેલાં બાબા વિશ્વનાથના દર્શન પણ કરશે. વડાપ્રધાનના શક્તિ-પ્રદર્શન માટે લંકાથી લઈને દશાશ્વમેઘ સુધી મેગા રોડ-શૉનું આયોજન પણ કરવામાં આવ્યું છે.

[youtube_channel resource=0 cache=300 random=1 fetch=10 num=1 ratio=3 responsive=1 width=306 display=thumbnail thumb_quality=hqdefault autoplay=1 norel=1 nobrand=1 showtitle=above titletag=h3 desclen=0 noanno=1 noinfo=1 link_to=vanity goto_txt=”Watch more interesting videos on TV9 Gujarati YouTube channel”]