Local Body Polls 2021:આજથી ભાજપે AMC ચૂંટણી માટે ઉમેદવારો માટે સેન્સ લેવાની શરૂઆત કરી

Local Body Polls 2021: રાજયમાં સ્થાનિક સ્વરાજ્યની ચૂંટણીનું બ્યૂગલ ફુંકાતા જ રાજકીય પક્ષો, કાર્યકરો અને ટીકીટ મેળવવા માટે ઈચ્છુકો તમામ જાગી ગયા છે. ભાજપ દ્વારા આજ સંદર્ભમાં આજથી ઉમેદવારો માટે સેન્સ લેવાની પ્રક્રિયા હાથ ધરવામાં આવી છે. અમદાવાદમાં 12 નિરીક્ષકોની ટીમ આજથી 2 દિવસ સુધી ટિકિટ વાંચ્છુકોને સાંભળશે. નારણપુરા, ગોતા, સરખેજ સહિત ૩૬ વોર્ડ માટે સેન્સ પ્રક્રિયા હાથ ધરવામાં આવી છે જ્યારે કે અન્ય 12 વોર્ડ માટે આવતીકાલે હાથ ધરાશે સેન્સ પ્રક્રિયા. આજે ગોતા વોર્ડ માટે સેન્સ લેવાની પ્રક્રિયા શરૂ કરાઈ હતી જેમાં ગોતા, ઘાટલોડિયા, થલતેજ તથા બોડકદેવ વોર્ડને નિરીક્ષકોની એક ટીમ સાંભળશે. જણાવવું રહ્યું કે આ તમામ વોર્ડ કેન્દ્રીય ગૃહ પ્રધાન અમિત શાહનાં લોકસભા મતક્ષેત્રમાં આવે છે. દાવેદારો પોતાના નેતાઓ સાથે ટિકિટની માંગણી કરવા પહોચ્યા હતા. પ્રાથમિક તબક્કે ગોતા, બોડકદેવમાં 1-1 મહિલા કોર્પોરેટરની ટિકિટ કપાઈ શકે છે જ્યારે કે બંને વોર્ડમાં નવા રોસ્ટર પ્રમાણે મહિલા સીટ અનામત રાખવામાં આવી છે.