Local Body Polls 2021 : વડોદરા મહાનગરપાલિકાના વોર્ડ નંબર 10માં ગોત્રી, વાસણા, અટલાદરા સહિતના વિસ્તારોનો સમાવેશ થાય છે. અહીં આજે પણ લોકો અનેક સમસ્યાથી પરેશાન છે.દૂષિત પાણી, ખરાબ રસ્તા, ગંદકી સહિતની સમસ્યાથી લોકો ત્રાહિમામ પોકારી ઉઠ્યા છે. રાજ્યમાં મહાનાગપલીકાઓની ચૂંટણી આવી રહી છે, ત્યારે વોર્ડ નંબર 10ના લોકો ચૂંટણીના અધૂરા વાયદાઓ અંગે પોતાનો રોધ વ્યક્ત કરી રહ્યા છે.
વોર્ડ નંબર 10ના લોકોને અનેક સમસ્યા
વડોદરા મહાનગરપાલિકાના વોર્ડ નંબર 10માં સ્થાનિકો ઘણા બધી અસુવિધાઓનો સામનો કરી રહ્યા છે. વોર્ડ નંબર 10માં ગોત્રી, વાસણા, અટલાદર, હારીનગરનો સમાવેશ થાય છે. વોર્ડ નંબર 10 ના લોકોને પીવાનું ચોખ્ખુ પાણી મળતું નથી. ખરાબ રસ્તાના કારણે લોકો હેરાન પરેશાન થઇ ગયા છે તો ગંદકીના કારણે રોગચાળો ફેલાય છે જેનો ભોગ સ્થાનિકો બને છે. દુષિત પાણી,ખરાબ રસ્તા,ગોત્રી સ્મશાનના ધુમાડાની સમસ્યા, તળાવમાં ગંદકીએ વોર્ડ ન્માંબર 10ના લોકોની મુખ્ય સમસ્યા છે.
ચારેય કોર્પોરેટર ભાજપના છતાં નથી મળતી સુવિધાઓ
વડોદરા મહાનગરપાલિકાના વોર્ડ નંબર 10માં 85,900થી વધુ મતદારોની સંખ્યા છે. આ વોર્ડના ચાર કોર્પોરેટર છે- કંચનબેન રાય, સુનિતા શુક્લ, નિતલકુમાર ગાંધી અને નીતિન દોગા. આ ચારેય કોર્પોરેટર ભાજપના છે, છતાં વોર્ડ નંબર 10ના રહીશોને સુવિધાઓ પૂરી પાડી શક્યા નથી. મતદારોનો આક્ષેપ છે કે સ્માર્ટ સિટીના નામે કરોડો રૂપિયાના કૌભાંડો થયા છે.
Published On - 7:29 pm, Tue, 2 February 21