Gujarat Elections 2021 Results : મોડાસા કલેકટર કચેરી આગળ કોંગ્રેસ ઉમેદવારના સમર્થકોએ દેખાવો કર્યા હતા. દધાલિયા તાલુકા પંચાયત બેઠક પર પરિણામ સામે નારાજગી દર્શાવવામાં આવી છે. કૉંગ્રેસના ઉમેદવાર ભાવનાબેન પટેલને તેમના ગામ કોકાપુરમાંથી ૬૫૦માંથી માત્ર ૧૧ વોટ મળતા સવાલો ઉઠયા છે. અને, દધાલિયા તાલુકા બેઠક પર ફરી ચૂંટણી કરવાની માંગ સાથે કોંગ્રેસ કાર્યકરો અને સમર્થકોએ દેખાવો કર્યા હતા. આ સાથે જ ઇવીએમમાં છબરડા થયાનો કોંગ્રેસ ઉમેદવારે આક્ષેપ કર્યો છે. એફએસએલ તપાસની માંગ સાથે કલેક્ટરને આવેદન પત્ર આપવાની તૈયારી કરાઇ છે.