Ghogha taluka panchayat Election result 2021: આઝાદી બાદ પહેલીવાર ઘોઘામાં કોંગ્રેસ હાર્યુ, ભાજપનો ભગવો લહેરાયો

Ghogha taluka panchayat Election result 2021: ભાવનગર જિલ્લાના ઘોઘા (ghogha ) તાલુકા પંચાયતમાં આઝાદી બાદ, પહેલીવાર કોંગ્રેસનો કારમો પરાજય થયો છે. ક્ષત્રિય સમાજનો દબદબો ધરાવતી ઘોઘા તાલુકા પંચાયતમાં દેશ આઝાદ થયો ત્યારથી અત્યાર સુધી ઘોઘા પંચાયતમાં કોંગ્રેસનો ત્રિરંગો જ ફરકતો રહ્યો હતો. આ ચૂંટણીમાં પહેલીવાર ભાજપે ઘોઘા તાલુકા પંચાયતમાં ભગવો લહેરાવ્યો છે.
વિધાનસભાની ગત ચૂંટણી સમયે કોંગ્રસના અગ્રણી અને પૂર્વ ધારાસભ્ય પરબતસિંહ ગોહીલ અને તેમના પૂત્ર દિગ્વિજયસિંહ ભાજપમાં જોડાયા હતા. ભાજપે ઘોઘા તાલુકા પંચાયતની સંપૂર્ણ જવાબદારી દિગ્વિજયસિંહ ગોહીલને સોપી હતી. જેમાં તેમણે પોતાના વફાદાર સાથીઓ, ભાજપના અગ્રણીઓ તેમજ કાર્યકરો અને ઉમેદવારોના સાથ સહકારથી ઘોઘા તાલુકા પંચાયતરૂપી કોંગ્રેસનો ગઢ તોડી નાખ્યો. ઘોઘા તાલુકા પંચાયતની કુલ 20 બેઠમાંથી ભાજપે 12 અને કોંગ્રેસે 8 બેઠકો ઉપર વિજય પ્રાપ્ત કર્યો.
કોંગ્રેસના હારના કારણોમાં પક્ષમાં ટીકીટ માટે આંતરીક ખેંચતાણ, ચૂંટણીલક્ષી આયોજનનો ભારે અભાવ, રાજ્યકક્ષાના પ્રધાન પરસોત્તમ સોલંકી હોવા છતા તાલુકાનો પૂરતો વિકાસ ના થયો હોવાની વાતને ચૂંટણી મુદ્દો બનાવીને તેને મતદારો સુધી ના પહોચાડી શક્યા. અને ભાજપ વિકાસનો મુદ્દો બનાવીને ચૂંટણી જંગ જીત્યુ.