BHAVNAGAR : ભાવનગર મહાનગરપાલિકાની ચૂંટણીમાં BJPનો ઐતિહાસિક અને ભવ્ય વિજય થયો છે. ભાવનગરમાં 52 બેઠકોમાંથી ભાજપે 44 બેઠકો પર જીત મેળવી છે, જયારે કોંગ્રેસના ખાતામાં માત્ર 8 બેઠકો આવી છે. ભાવનગરમાં ભાજપની ભવ્ય જીત બદલ પ્રદેશ ભાજપના પૂર્વ અધ્યક્ષ તેમજ ધારાસભ્ય જીતુ વાઘાણીએ જનતાનો આભાર માન્યો હતો.
જીતુ વાઘાણીએ જનતાનો આભાર માનતા કહ્યું કે આ જનતા, ભારતીય જનતા પાર્ટીના વ્ચારો અને વડાપ્રધાન મોદીની જીત છે. ભાવનગરમાં ભાજપે એક પણ વિસ્તારને વિકાસથી વંચિત નથી રાખ્યો અને તમામ સુવિધાઓ આપી હોવાથી જનતાએ ભારતીય જનતા પાર્ટીને પસંદ કરી છે.