AHMEDABAD: BJPએ વધુ ત્રણ પ્રદેશ હોદ્દેદારોના નામ જાહેર કર્યા
BJP પ્રદેશ અધ્યક્ષ સી.આર.પાટીલે પદ સંભાળ્યાને પાંચ મહિના બાદ 7 જાન્યુઆરીએ નવા પ્રદેશ સંગઠન માળખાની જાહેરાત કરી હતી. ત્યારબાદ પ્રદેશ ભાજપ સંગઠનના પ્રદેશ હોદ્દેદારોની ત્રીજી યાદી જાહેર કરવામાં આવી છે.
AHMEDABADમાં BJPએ વધુ ત્રણ પ્રદેશ હોદ્દેદારોના નામ જાહેર કર્યા છે. પ્રદેશ હોદ્દેદારોના આ ત્રણ નામોમાં પ્રથમ નામ ઉષાબેન પટેલનું છે, ઉષાબેન પટેલને પ્રદેશ ઉપાધ્યક્ષ બનાવાયા છે. બીજું નામ બીનાને આચાર્યની છે, જેમને પ્રદેશ મંત્રી બનાવાયા છે. ત્રીજું નામ મહેશ મોદીનું છે. મહેશ મોદીને BJP IT CELLના કન્વીનર બનાવાયા છે.
BJP પ્રદેશ અધ્યક્ષ સી.આર.પાટીલે પદ સંભાળ્યાને પાંચ મહિના બાદ 7 જાન્યુઆરીએ નવા પ્રદેશ સંગઠન માળખાની જાહેરાત કરી હતી. આ સંગઠન માળખામાં 7 પ્રદેશ ઉપાધ્યક્ષો, 5 પ્રદેશ મહામંત્રીઓ, 8 પ્રદેશ મંત્રીઓ અને કોષાધ્યક્ષ તથા સહ કોષાધ્યક્ષનો સમાવેશ કરીને કુલ 22 વ્યક્તિઓની ટીમ જાહેર કરવામાં આવી હતી.
12 જાન્યુઆરીએ ભાજપે સંગઠનના હોદ્દેદારોની બીજી યાદી જાહેર કરી હતી. જેમાં 2 પ્રદેશ ઉપાધ્યક્ષ, 1 પ્રદેશ મંત્રી, 1 મીડિયા પ્રભારી, 1 મીડિયા સહ પ્રભારી, 1 IT CELL કન્વીનર, 1 સોશિયલ મીડિયા કન્વીનર અને 1 સોશિયલ મીડિયા સહ કન્વીનરના નામોની જાહેરાત કરી હતી.
