13 વર્ષ મોટા એક્ટરના પ્રેમમાં પડી “યે રિશ્તા ક્યા કહેલાતા હૈ”ની નાયરા, જાણો કોણ છે અને ક્યારે કરશે લગ્ન?
શિવાંગી જોશી એક લોકપ્રિય ટીવી અભિનેત્રી છે. તે ટીવી એક્ટરને ડેટ કરી રહી છે. હવે તે એક્ટરે તેમની લવ લાઈફની વાત એક મીડિયા સામે કબુલી લીધી છે.
'યે રિશ્તા ક્યા કહેલાતા હૈ', 'યે હૈ આશિકી' સહિત ઘણા ટીવી શોમાં કામ કરી ચૂકેલી અભિનેત્રી શિવાંગી જોશીનું નામ તેનાથી 13 વર્ષ મોટા એક્ટર કુશાલ ટંડન સાથે લાંબા સમયથી જોડાયેલું છે. જો કે અત્યાર સુધી બંનેમાંથી કોઈએ ક્યારેય પોતાના સંબંધો વિશે વાત કરી ન હતી. જોકે હવે તેમના સંબંધોની પુષ્ટિ થઈ ગઈ છે. કુશાલે પોતે આ વિશે જણાવ્યું છે કે તે અને શિવાંગી એકબીજાને પ્રેમ કરે છે.
કુશાલે બોમ્બે એક મીડિયાને આપેલા ઈન્ટરવ્યુમાં જણાવ્યું કે તે શિવાંગીને ડેટ કરી રહ્યો છે. જ્યારે તેને તેના લગ્નની યોજના વિશે પૂછવામાં આવ્યું ત્યારે તેણે કહ્યું, “હું અત્યારે લગ્ન નથી કરી રહ્યો, પરંતુ હું પ્રેમમાં છું. અમે આ બાબતને ખૂબ પ્રાઈવેટ રાખીએ છીએ. મારી માતા હું લગ્ન કરું તે ઈચ્છે છે જો તેમનું ચાલે તો તે આજે જ મારા લગ્ન કરાવી દે.
આગળ, કુશાલે એમ પણ કહ્યું, "કોઈપણ સમયે કંઈ પણ થઈ શકે છે, પરંતુ સૌથી સારી વાત એ છે કે મારા માતાપિતાએ મારા માટે યોગ્ય છોકરીની શોધ છોડી દીધી છે." શિવાંગી અને કુશાલ બંને નાના પડદાના મોટા ચહેરા છે. બંનેએ 'બરસાતેંઃ મૌસમ પ્યાર કે' નામના ટીવી શોમાં સાથે કામ કર્યું હતું. રિપોર્ટ અનુસાર, આ શોમાં કામ કરતી વખતે બંને એકબીજાના પ્રેમમાં પડી ગયા હતા.
જુલાઈ 2023માં શરૂ થયેલો આ ટીવી શો લગભગ સાત મહિના સુધી ટીવી પર ચાલ્યો અને આ વર્ષે ફેબ્રુઆરીમાં આ શો બંધ થઈ ગયો. જોકે, કુશાલે તેની ટીવી કરિયરની શરૂઆત વર્ષ 2011માં કરી હતી. ‘એક હજારોં મેં મેરી બેહના’ તેમની પ્રથમ સિરિયલ હતી. શિવાંગીએ 2013માં ટીવી સીરિયલ 'ખેલતી હૈ જિંદગી આંખ મચોલી'થી ડેબ્યૂ કર્યું હતું.
કુશાલ ટંડન શિવાંગી જોશી કરતા 13 વર્ષ મોટો છે. આ બંનેની ખૂબ જ મજબૂત ફેન ફોલોઈંગ છે અને લાખો લોકો બંનેને પસંદ કરે છે. જ્યારે આ બંને શો 'બરસાતેં'માં જોવા મળ્યા હતા, ત્યારે લોકોએ તેમની જોડીને પસંદ કરી હતી, તે સિવાય, લોકોએ તેમની ઑફ-સ્ક્રીન જોડી પણ પસંદ કરી હતી.