પુતિનના વિરોધમાં વિશ્વ થઇ રહ્યુ છે એક, રશિયાના લોકોએ પણ વિરોધમાં કર્યા સૂત્રોચ્ચાર, જુઓ ‘આક્રોશ’થી ભરેલી તસવીરો
ગુરુવારથી જ વિરોધ પ્રદર્શન શરૂ થઈ ગયું છે. એવા ઘણા લોકો છે જેઓ આ હુમલાની નિંદા કરી રહ્યા છે. આવા લોકો સરકાર સામે રસ્તા પર ઉતરી રહ્યા છે.
યુક્રેન પર રશિયાના હુમલાનો વિશ્વભરમાં વિરોધ થઈ રહ્યો છે. યુક્રેન પર હુમલા બાદ રશિયામાં જ રાષ્ટ્રપતિ વ્લાદિમીર પુતિનનો વિરોધ શરૂ થઈ ગયો છે. મોસ્કો સહિત 53 શહેરોમાં વિરોધ પ્રદર્શન થયા હતા.
યુક્રેન પર હુમલા બાદ યુક્રેન સાથે એકતા દર્શાવવા વોશિંગ્ટન ડીસીમાં વ્હાઇટ હાઉસની બહાર ડઝનબંધ વિરોધીઓ એકત્ર થયા હતા. હુમલાના પહેલા દિવસે 137 યુક્રેનિયન માર્યા ગયા હતા.
રશિયામાં હજારો લોકો યુક્રેન પરના યુદ્ધનો વિરોધ કરી રહ્યા છે. રશિયન પોલીસે ડઝનેક શહેરોમાં યુદ્ધ વિરોધી વિરોધ પ્રદર્શનમાં 1,700 થી વધુ લોકોની અટકાયત કરી છે.
અમેરિકાના વિદેશ મંત્રી એન્ટની બ્લિંકને કહ્યું કે અમેરિકા અને અમારા સહયોગી દેશો આ બિનજરૂરી આક્રમકતા માટે રશિયા પર ઝડપી અને આકરા પ્રતિબંધો લાદશે.
તેના વિરુદ્ધ દેશોમાં દેખાવો શરૂ થઈ ગયા છે. લોકો બેનરો અને પોસ્ટરો સાથે રસ્તા પર ઉતરી રહ્યા છે અને રશિયાના આ પગલાની નિંદા કરી રહ્યા છે.
રશિયા અને યુક્રેન વચ્ચેના યુદ્ધના પહેલા દિવસ બાદ મૃત્યુઆંક 137 પર પહોંચી ગયો છે.
મોસ્કોના પુશ્કિન સ્ક્વેર ખાતે હજારો લોકો એકઠા થયા હતા. તેમના હાથમાં 'નો ટુ વોર' ના નારા સાથે બેનરો અને પોસ્ટરો હતા.