સોનાથી પણ મોંઘું છે આ બિસ્કિટ, કિંમત એટલી છે કે આવી જશે લક્ઝરી કાર
જો આપણે બિસ્કીટના પેકેટ વિશે વાત કરીએ, તો સામાન્ય રીતે તેની કિંમત રૂપિયા 50, 100, 500 કે વધુમાં વધુ 1000 હોઈ શકે. પરંતુ અમે જે બિસ્કીટની વાત કરી રહ્યા છીએ તેની કિંમત લાખોમાં છે. આ બિસ્કીટની કિંમત એટલી છે કે આ રકમથી તમે લક્ઝરી કાર ખરીદી શકો છો. આ લેખમાં તેના વિશે વધુ જાણીએ.
તમને જણાવી દઈએ કે, આ બિસ્કિટ જેમ્સ ફેનવિક નામના વ્યક્તિ પાસે હતું. જ્યારે ટાઇટેનિક ડૂબી ગયું ત્યારે ફેનવિકનું જહાજ પણ દરિયામાં હતું. જ્યારે તેમના જહાજને ટાઇટેનિકના ડૂબવાના સમાચાર મળ્યા ત્યારે આ જહાજ ટાઇટેનિકના રાહત કાર્યમાં તૈનાત કરવામાં આવ્યું હતું. ફેનવિકને ત્યાંથી આ બિસ્કીટ મળી આવ્યું હતું.
ફેનવિકે આ બિસ્કીટને સ્મૃતિ તરીકે રાખ્યું હતું. આજે આટલા વર્ષો પછી જ્યારે આ બિસ્કીટની હરાજી થઈ ત્યારે તેની કિંમત લાખો રૂપિયા ઉપજી છે. તાજેતરમાં જ્યારે આ બિસ્કિટની હરાજી કરવામાં આવી ત્યારે એક ખરીદદારે તેના માટે 31,800 ડોલરની બોલી લગાવી હતી. જે ભારતીય રૂપિયામાં અંદાજે 26 લાખ રૂપિયા થાય છે.
આ હરાજી બ્રિટનમાં થઈ હતી. હરાજી કરનારાઓએ લાગતું હતું કે આ બિસ્કિટની કિંમત મહત્તમ 21000 ડોલર સુધી જઈ શકે છે. પરંતુ જ્યારે આ બિસ્કિટ હરાજી માટે આવ્યું ત્યારે લોકોએ તેને ખરીદવા માટે સ્પર્ધા શરૂ કરી અને અંતિમ બોલી 31,800 યુએસ ડોલર લાગી હતી.
