‘ક્યોંકી સાસ ભી કભી બહુ થી’ની નવી સિઝનમાં મિહિરનો રોલ કરશે અનુપમાનો વજરાજ શાહ?
એકતા કપૂર દ્વારા નિર્મિત, નવી સીઝનમાં સ્મૃતિ ઈરાની અને અમર ઉપાધ્યાય મુખ્ય ભૂમિકામાં જોવા મળશે. આ દરમિયાન, એવા અહેવાલો છે કે હિટ શો 'અનુપમા'માં વનરાજનો રોલ કરનાર સુંધાશું પાંડેનો આ શો માટે સંપર્ક કરવામાં આવ્યો છે.
સુધાંશુ પાંડેએ જણાવ્યું કે તેને કયા પાત્ર માટે બોલાવવામાં આવ્યો હતો તે કહેવામાં આવ્યું ન હતું. તેણે કહ્યું, "મને ખબર નથી કે તે કઈ ભૂમિકા માટે હતું અને મને પૂછવામાં આવ્યું હતું કે હું કેટલો ચાર્જ લઈશ. બસ, આનાથી વધુ કંઈ નથી." અનુપમામાં વનરાજ શાહની ભૂમિકા ભજવવા બદલ સુધાંશુ પાંડેને ખૂબ પસંદ કરવામાં આવ્યો હતો. આ સિરિયલને કારણે સુધાંશુને દરેક ઘરમાં ઓળખ મળી અને ચાહકો પણ ઘણા વધી ગયા.
જ્યારે સુધાંશુએ અનુપમા સિરિયલ છોડી દીધી, ત્યારે હજારો લોકોનું દિલ તૂટી ગયું. તે ઇન્સ્ટાગ્રામ પર લાઇવ આવ્યો અને બધા સાથે પોતાનો શો છોડવાની માહિતી શેર કરી.
જોકે, તેણે વાસ્તવિક કારણો જાહેર કર્યા નહીં. પરંતુ એવા અહેવાલો હતા કે સુધાંશુને અનુપમાના નિર્માતાઓ સાથે અણબનાવ હતો, જેના કારણે તેણે શો છોડવાનો નિર્ણય લીધો. તે જ સમયે, નિર્માતાઓ વનરાજ શાહના પાત્ર માટે નવો અભિનેતા શોધી શક્યા નથી. હાલમાં સુધાંશુ કરણ જોહરના શો ધ ટ્રેટર્સમાં જોવા મળી રહ્યો છે.
ક્યુંકી સાસ ભી કભી બહુ થીની નવી સીઝન વિશે વાત કરીએ તો, તેમાં ફક્ત 150 એપિસોડ હશે અને તેની પાછળ એક કારણ છે. નિર્માતાએ શેર કર્યું કે જ્યારે મૂળ શ્રેણી સમાપ્ત થઈ, ત્યારે તે 2000 એપિસોડના સીમાચિહ્ન સુધી પહોંચવા માટે ફક્ત 150 એપિસોડ ઓછા હતા. આ શોના શૂટિંગ દરમિયાન સ્મૃતિને Z+ સુરક્ષા આપવામાં આવશે. શોની પ્રીમિયર તારીખ સત્તાવાર રીતે જાહેર કરવામાં આવી નથી.
