કબડ્ડીનો સચિન તેંડુલકર એટલે કે “કબડ્ડીના ભગવાન” કોને માનવામાં આવે છે? જાણો અહીં
કબડ્ડી શરુ થાય તે પહેલા જાણી લઈએ કબડ્ડીને લઈને અનેક એવી મોટી વાતો. પ્રો કબડ્ડીનો આ 10મો સિઝન શરુ થવા જઈ રહ્યો છે. ઘર ઘરમાં લોકો ભેગા થઈને જેમ ક્રિકેટ જોતા હોય છે તેમ જ આ કબડ્ડી પણ જોઈ રહ્યા છે અને પોતાની ફેવરેટ ટીમ અને પ્લેયરને સપોર્ટ કરી રહ્યા છે. જેમ ક્રિકેટના ગોડ એટલે કે ભગવાન સચિન તેડૂંલકર છે તેમ કબડ્ડીના ભગવાન કોણ છે ચાલો જાણીએ.
અનુપ કુમાર સ્ટાર રેડર રહ્યા. અનુપ કુમાર ભૂતપૂર્વ વ્યાવસાયિક ભારતીય કબડ્ડી ખેલાડી છે. તે ભારતીય રાષ્ટ્રીય કબડ્ડી ટીમનો ભાગ હતો જેણે 2010, 2014 અને 2016 એશિયન ચેમ્પિયનશિપમાં ગોલ્ડ મેડલ જીત્યો હતો. તેઓ ભારતીય રાષ્ટ્રીય કબડ્ડી ટીમના કેપ્ટન હતા. તે પ્રો કબડ્ડી લીગ અને આંતરરાષ્ટ્રીય કબડ્ડીમાં સૌથી સફળ લડવૈયાઓમાંનો એક છે. પ્રો કબડ્ડીમાં યુ મુમ્બા સાથે પાંચ વર્ષ જોડાયેલા રહ્યાં અને બાદમાં જયપુર પિંક પેન્થર્સ માટે રમ્યા. અનુપ કુમાર હાલ ગૃહ રાજ્ય હરિયાણામાં ડેપ્યુટી પોલીસ કમિશનર તરીકે કામ કરે છે.
તેમણે 2016 સાઉથ એશિયન ગેમ્સમાં ગોલ્ડ જીતીને વધુ એક મેડલ જીત્યો હતો. તેમના ઉત્કૃષ્ટ નેતૃત્વ અને તણાવપૂર્ણ પરિસ્થિતિઓમાં શાંત રહેવાની ક્ષમતાને કારણે તેમને 'કેપ્ટન કૂલ' ઉપનામ પણ મળ્યુ. પ્રો કબડ્ડી લીગના પ્રથમ વર્ષમાં 169 પોઈન્ટ બનાવ્યા. કુમારે સતત ત્રણ વર્ષ સુધી યુ મુંબઈનું નેતૃત્વ કર્યું. 2014 માં, તેમણે પ્રો કબડ્ડી લીગનો મોસ્ટ વેલ્યુએબલ પ્લેયરનો એવોર્ડ જીત્યો. 2018 માં, તેણે જયપુર પિંક પેન્થર્સ માટે રમવાનું શરૂ કર્યું.
12 વર્ષની કારકિર્દી પછી, અનૂપ કુમારે 19 ડિસેમ્બર 2018 ના રોજ તેમની નિવૃત્તિની જાહેરાત કરી. આ જાહેરાત સાથે, તેણે તેના તમામ ચાહકોને કહ્યું કે કબડ્ડીની દુનિયા સાથે કોઈ સંબંધ તોડશે નહીં. અનુપ કુમારે ટૂંક સમયમાં કબડ્ડી કોચ તરીકે નવા યુગની શરૂઆત કરી. હાલમાં તે પુનેરી પલ્ટન ટીમનો કોચ છે. તેમના અનુભવ અને માર્ગદર્શનનો લાભ ટીમના યુવા ખેલાડીઓને મળે છે.
Published On - 11:38 am, Sun, 26 November 23
