Happy Birthday pooja bhatt : પિતા મહેશ ભટ્ટની બીજી પત્ની સોનીને નફરત કરતી હતી પૂજા, જાણો કેવી રીતે સુધર્યો સંબંધ
પૂજા ભટ્ટ પોતાના અંગત જીવનને કારણે ઘણી ચર્ચામાં રહી છે. તેને વિવાદો સાથે પણ ઘણો સંબંધ છે. આજે, પૂજાના બર્થડે પર જાણીએ તેના જીવન સાથે જોડાયેલ એક કિસ્સા વિશે.
પૂજા ભટ્ટ (pooja bhatt )એક્ટર અને ડાયરેક્ટર રહી ચૂકી છે. પૂજાએ 1989માં ફિલ્મ ડેડીથી એક્ટિંગની શરૂઆત કરી હતી. આ પછી તેણે દિલ હૈ કી માનતા નહીં, સડક, જાનમ, પ્રેમ દીવાને, ગુનાહગાર જેવી ઘણી ફિલ્મોમાં કામ કર્યું. વર્ષ 2009માં પૂજાએ ફિલ્મ સનમ તેરી કસમમાં કામ કર્યું અને ત્યાર બાદ તેણે એક્ટિંગથી દૂરી બનાવી લીધી. ત્યારબાદ પૂજા વર્ષ 2020માં ફિલ્મ સડક 2 સાથે એક્ટ્રેસ તરીકે પરત ફરી હતી.
તમને જણાવી દઈએ કે પૂજા પોતાની પ્રોફેશનલ લાઈફ કરતા પણ પોતાની પર્સનલ લાઈફ માટે વધુ ચર્ચામાં રહી છે. તમે બધા જાણતા જ હશો કે પૂજા ભટ્ટ આલિયા ભટ્ટની સાવકી બહેન છે. એટલે કે આલિયાની માતા સોની રાઝદાન મહેશની બીજી પત્ની છે. જો કે આજે પૂજાના સોની અને તેની પુત્રીઓ આલિયા અને શાહીન સાથે સારો સંબંધછે, પરંતુ એક સમય હતો જ્યારે તે સોનીને નફરત કરતી હતી.
જ્યારે મહેશે પૂજાને તેના એક્સ્ટ્રા મેરિટલ અફેર વિશે જણાવ્યું ત્યારે તેણે પૂજાને તેની લાગણી વ્યક્ત કરવા કહ્યું. બંને વચ્ચેના સંબંધોને લઈને પૂજાએ એક ઈન્ટરવ્યુમાં કહ્યું હતું કે, મારા પિતાએ ક્યારેય મારાથી કોઈ વાત છુપાવી નથી. એકવાર હું સૂઈ રહી હતી અને તેણે મને રાત્રે 1:30 વાગ્યે મને જગાડી અને કહ્યું કે તે કોઈની સાથે સંબંધમાં છે. મારું તેની સાથે અફેર છે અને હું તને આ વાત પહેલી કહેવા માંગુ છું. મારી માતાને પણ આ ખબર ન હતી, તેથી તે મારાથી કંઈ છુપાવી શકતી નહોતી.
પૂજાએ કહ્યું કે જ્યારે તેને આ વાતની ખબર પડી ત્યારે તે સોનીને નફરત કરતી હતી કે તે તેના પિતાને લઈ ગઈ હતી. સોનીનું નામ સાંભળીને તેને ગુસ્સો આવતો હતો.
જોકે, પછી ધીમે ધીમે પૂજાની નફરત ઓછી થઇ ગઈ અને તેણે સોની સાથે હાય હેલો બોલવાનું શરૂ કર્યું. પછી વાતો વધુ થવા લાગી અને તે પછી આજે સોની અને પૂજા વચ્ચે સારું બોન્ડિંગ છે અને બંને હંમેશા એકબીજાને સપોર્ટ કરે છે.