ભારતને તેની પ્રથમ એરલાઇન સેવા ક્યારે મળી ? જાણો કેવી રીતે નખાયો એર ઇન્ડિયાનો પાયો
ટાટાએ ભારતને ઘણી નવી વસ્તુઓ આપી છે. ભારતમાં હવાઈ મુસાફરીમાં ક્રાંતિ કરનાર વ્યક્તિ તરીકે જેઆરડી ટાટાનું મહત્વનું યોગદાન છે. તેમના કારણે જ ભારતને તેની પ્રથમ એરલાઇન સેવા શરૂ કરવામાં મદદ મળી હતી.
ટાટાએ ભારતને ઘણી નવી વસ્તુઓ આપી છે. આમાંની એક ભારતની પોતાની અને પ્રથમ એરલાઇન સેવા છે. ટાટા ગ્રુપે જ ભારતમાં પહેલીવાર એરલાઈન સેવા શરૂ કરી હતી જેનું નામ ટાટા એરલાઈન્સ હતું.
જેઆરડી ટાટા દ્વારા 15 ઓક્ટોબર, 1932ના રોજ તેની સ્થાપના કરવામાં આવી હતી. કરાચીથી મુંબઈ વચ્ચે પહેલી ફ્લાઈટે ઉડાન ભરી હતી. બાદમાં આ એરલાઇનનું નામ બદલીને એર ઈન્ડિયા કરવામાં આવ્યું.
ટાટા એવિએશન સર્વિસની શરૂઆત વર્ષ 1932માં જેઆરડીના નેતૃત્વમાં કરવામાં આવી હતી. એ સમયે એવિએશન સેક્ટરમાં યુરોપિયન કંપનીઓનું વર્ચસ્વ હતું.
ભારતમાં હવાઈ મુસાફરીમાં ક્રાંતિ કરનાર વ્યક્તિ તરીકે જેઆરડી ટાટાનું મહત્વનું યોગદાન છે. તેમના કારણે જ ભારતને તેની પ્રથમ એરલાઇન સેવા શરૂ કરવામાં મદદ મળી હતી.
જેઆરડી ટાટાએ બાળપણથી જ આકાશમાં ઉડવાનું સપનું જોયું હતું. તેથી જ તેઓ વર્ષ 1929માં કોમર્શિયલ પાઈલટનું લાઇસન્સ મેળવનાર પ્રથમ ભારતીય બન્યા હતા.
ભારતની આઝાદી પછી દેશના પ્રથમ વડાપ્રધાન જવાહરલાલ નેહરુ બન્યા. ત્યાર બાદ નેહરુ સરકારે વર્ષ 1953માં એર ઈન્ડિયાનું રાષ્ટ્રીયકરણ કર્યું હતું.