જોબ ચેન્જ કરી છે? જુની ઓફિસની આવે છે યાદ? તો આ ટીપ્સને અપનાવો
જો તમે નોકરી બદલ્યા પછી તમારી જૂની ઓફિસને મીસ કરી રહ્યા છો, તો કેટલીક નાની ટિપ્સ અપનાવીને આ પરિસ્થિતિને સંભાળી શકો છો. ઓફિસને એમ જ બીજું ઘર નથી કહેવાતું. તે એવી જગ્યા છે જ્યાં તમે તમારા ઘર સિવાય સૌથી વધુ સમય પસાર કરો છો. આવી સ્થિતિમાં ઓફિસ અને સહકર્મીઓ સાથે એક સારૂ જોડાણ બંધાય છે. પરંતુ એક સમય એવો આવે છે જ્યારે આપણે આપણી કારકિર્દીમાં આગળ વધીએ છીએ અને આપણી નોકરીને અલવિદા કહીએ છીએ અને કોઈ અન્ય કંપનીમાં કામ કરવાનું શરૂ કરીએ છીએ.
જો કે નવી કંપની અને નોકરીમાં એડજસ્ટ થવું સહેલું નથી. જ્યારે તમે ઓફિસમાં લાંબા સમય સુધી કામ કરો છો, તો તેને છોડ્યા પછી તમે તમારી જૂની ઓફિસ ને અને કલિગ્સને ચોક્કસપણે મીસ કરો છો. કેટલાક લોકો માટે તેમના કામ પર ધ્યાન કેન્દ્રિત કરવું પણ ખૂબ મુશ્કેલ બની જાય છે. કદાચ તમારી સાથે પણ કંઈક આવું જ થતું હશે. તો આજે અમે તમને તેની ટીપ્સ વિશે જણાવશું કે તમારે નવી જગ્યાએ શું કરવું જોઈએ.
જૂના સાથીદારો સાથે જોડાણ જાળવી રાખો. તમે નવી ઓફિસમાં જોડાયા હોવા છતાં તેનો અર્થ એ નથી કે તમારા જૂના સંબંધોનું હવે મહત્વ નથી. જ્યારે તમને સમય મળે ત્યારે તમારા જૂના નજીકના સાથીદારો સાથે વાત કરો અથવા ક્યારેક સપ્તાહના અંતે તેમને મળવાનું આયોજન કરો. આમ કરવાથી તમને એવું નહીં લાગે કે તમે તેમનાથી સંપૂર્ણપણે અલગ થઈ ગયા છો.
નવા લક્ષ્યો બનાવો : નવી ઓફિસમાં તમારી પોસ્ટ પણ લગભગ બદલાઈ ગઈ હોય છે. આવી સ્થિતિમાં, તે મહત્વપૂર્ણ છે કે તમે કારકિર્દીના કેટલાક નવા લક્ષ્યો નક્કી કરો. જો તમે જૂની યાદોમાં અટવાયેલા રહેશો, તો તમે નવી કંપનીમાં તમારી જાતને સાબિત કરી નહી કરી શકો. તેથી તમારા માટે કારકિર્દીના નવા લક્ષ્યો નક્કી કરો. આ તમને તમારી જૂની કંપનીને ઓછી યાદ રાખવામાં પણ મદદ કરશે. તમારા કારકિર્દીના લક્ષ્યોને ધ્યાનમાં રાખીને યોજના બનાવો. તમારા કામમાં વ્યસ્ત રહો.
નવા કલિગ સાથે કરો વાત : જો તમને લાગે છે કે તમે હજી પણ તમારી જૂની ઓફિસ સાથે ખૂબ જોડાયેલા છો તો નવી ઓફિસ સાથે તાલ મેળવવા માટે નવા ઓફિસના એમ્પલોય સાથે વાતો કરો. તેની મદદ લેવી ચોક્કસપણે ફાયદાકારક સાબિત થઈ શકે છે.
ઔપચારીક મુલાકાત : તમે નવી ઓફિસે જોડાઓ અને તમારૂ મન ન લાગે તો નવા લોકો સાથે હરવા-ફરવાનું રાખો. લંચ બ્રેક સમયે અથવા ટી બ્રેકમાં નવી ઓફિસના લોકો સાથે જવાનું રાખો અને આ ઔપચારીક મુલાકાત પણ તમને નવી ઓફિસમાં મન લગાવવામાં કામ લાગશે.