UPSC Success Story: સૃષ્ટિ દેશમુખે એન્જિનિયરિંગ સાથે UPSC ની તૈયારી કરી, પહેલા જ પ્રયાસમાં IAS ઓફિસર બની
UPSC પરીક્ષાની તૈયારી કરી રહેલા ઉમેદવારોમાં એવા ઘણા ઓછા વિદ્યાર્થીઓ છે જેઓ પ્રથમ પ્રયાસમાં જ દેશની સૌથી અઘરી પરીક્ષા પાસ કરી શકે છે. આવા IAS અધિકારીના નામમાં સૃષ્ટિ જયંત દેશમુખનું નામ સામેલ છે.
એન્જિનિયરિંગના ત્રીજા વર્ષમાં સૃષ્ટિ વિચારતી હતી કે શું તે આખી જિંદગી એન્જિનિયરની નોકરી કરી શકશે. આવી સ્થિતિમાં તેણે યુપીએસસીની તૈયારી કરવાનું નક્કી કર્યું. તેણે ત્રીજા વર્ષથી જ યુપીએસસીની તૈયારી શરૂ કરી દીધી હતી.
ગ્રેજ્યુએશન પૂરું કર્યા પછી, તેણે તૈયારીને વધુ મજબૂત કરી અને પ્રથમ પ્રયાસમાં જ પરીક્ષા પાસ કરી. UPSC પરીક્ષા 2018માં નસીબ અજમાવ્યું અને પહેલી જ વાર પાંચમો રેન્ક મેળવીને IAS બની. 2018 બેચના IAS અધિકારી સૃષ્ટિ જયંત દેશમુખની પ્રથમ પોસ્ટિંગ મધ્યપ્રદેશના ડિંડોરીમાં સહાયક કલેક્ટર તરીકે હતી. હવે તાજેતરમાં સૃષ્ટિ દેશમુખની મધ્યપ્રદેશના નરસિંહપુર જિલ્લાના ગદરવાડામાં સબ ડિવિઝનલ ઓફિસરના પદ પર બદલી કરવામાં આવી છે.
સૃષ્ટિનું માનવું છે કે જો તમારે UPSC પરીક્ષામાં સફળતા મેળવવી હોય તો તમારે નકારાત્મક લોકોથી દૂર રહેવું જોઈએ. તેણી કહે છે કે તૈયારી દરમિયાન આવા લોકો તમને નિરાશ કરવાનો પ્રયાસ કરશે, જે તમારા પ્રદર્શનને અસર કરશે.
