UPSC Success Story: પ્રખરનું લક્ષ્ય શરૂઆતથી જ IAS બનવાનું હતું, બીજા પ્રયાસમાં બન્યા UPSC ટોપર
યુપીએસસીની સફર ઉતાર-ચઢાવથી ભરેલી છે. ઘણા ઓછા એવા ઉમેદવારો હોય છે જે પોતાના લક્ષ્ય પર શરૂઆતથી જ મહેનત કરે છે, તેઓ સફળતા પણ હાંસલ કરે છે.
યુપીએસસીની સફર ઉતાર-ચઢાવથી ભરેલી છે. ઘણા ઓછા એવા ઉમેદવારો હોય છે જે પોતાના લક્ષ્ય પર શરૂઆતથી જ મહેનત કરે છે, તેઓ સફળતા પણ હાંસલ કરે છે. UPSC-2020ની પરીક્ષામાં 29મો રેન્ક મેળવનાર પ્રખર કુમાર સિંહની વાત પણ આવી જ છે. પોતાના સતત પ્રયત્નો અને ધૈર્યની મદદથી તેણે દેશની સૌથી અઘરી પરીક્ષા પાસ કરી.
પ્રખરે શરૂઆતથી જ ભારતીય વહીવટી સેવા (IAS)માં ભાગ લેવાનો નિર્ણય લીધો હતો. એક ઈન્ટરવ્યુમાં તેણે જણાવ્યું કે, તેની મુખ્ય પરીક્ષા અને ઈન્ટરવ્યુની પરીક્ષા સારી હતી. પ્રખર કહે છે કે, તેણે પોતાના વૈકલ્પિક વિષય તરીકે ઇલેક્ટ્રિકલ એન્જિનિયરિંગ પસંદ કર્યું. કારણ કે આમાં તેણે ગ્રેજ્યુએશન કર્યું હતું અને તે તેના માટે સારી તૈયારી કરી શકતો હતો.
તે કહે છે કે, પરીક્ષાનું પરિણામ આવતા પહેલા તેને લાગતું હતું કે, ટોપર્સ કંઈક અલગ વાંચે છે, પરંતુ પરિણામ આવ્યા પછી તેમને ખબર પડી કે ટોપર્સ પણ એ જ અભ્યાસ કરે છે કે બાકીના ઉમેદવારો અભ્યાસ કરે છે. બસ તેમની પદ્ધતિ બાકીના કરતા અલગ જ રહે છે. તે ગૌરવ અગ્રવાલથી પ્રેરિત છે.
પ્રખરે જણાવ્યું કે, યુજી કર્યા પછી તરત જ તેણે યુપીએસસીનો પહેલો પ્રયાસ આપ્યો. તેની તૈયારી પણ અધૂરી હતી, જેના કારણે તે પરીક્ષા પાસ કરી શક્યો ન હતો. તેણે કહ્યું કે, યુપીએસસીમાં સિલેક્શન થયા બાદ આખો પરિવાર ખૂબ જ ખુશ હતો, પરિણામ જાહેર થતાં જ માતા-પિતા અને બહેન ખુશીથી રડી પડ્યા હતા.
IASની તૈયારી કરનારાઓને ભારપૂર્વક કહેવામાં આવે છે કે, ઉમેદવારોએ યુટ્યુબ, મેગેઝિન, અગાઉના ટોપર્સની વ્યૂહરચનાનું વિશ્લેષણ કરીને તૈયારી કરવી જોઈએ. વૈકલ્પિક વિષયની પસંદગી અંગે તેમણે જણાવ્યું હતું કે ઉમેદવારને જે વિષયમાં રસ હોય તેણે તે જ વિષય પસંદ કરવો.
ટાઈમ મેનેજમેન્ટ અંગે તેમણે જણાવ્યું હતું કે, ઉમેદવારોએ દર અઠવાડિયે અને દર મહિને પોતાનું લક્ષ્ય નક્કી કરવું જોઈએ. પરીક્ષામાં હિન્દી માધ્યમના ઉમેદવારોની સફળતા અંગે તેમણે કહ્યું કે, આ ઉમેદવારોએ આ અંગે ચિંતા કરવાની જરૂર નથી.