Upcoming IPO: રોકાણકારોની બલ્લે-બલ્લે ! આ અઠવાડિયે આવી રહ્યા 3 નવા IPO, જાણો વિગત
એક SME કંપની તેના IPO ના લિસ્ટિંગ માટે તૈયારી કરી રહી છે, ત્યારે ત્રણ નવી કંપનીઓ બજારમાં પ્રવેશવા માટે તૈયાર છે. આ અઠવાડિયું રોકાણકારો માટે રોમાંચક બની શકે છે, કારણ કે વિવિધ ક્ષેત્રોમાંથી આવતા આ IPO વૈવિધ્યસભર પોર્ટફોલિયો બનાવવાની સારી તક આપી રહ્યા છે
જૈનિક પાવર એન્ડ કેબલ્સ IPO: આ IPO 10 જૂન 2025ના રોજ ખુલી રહ્યો છે. આ IPO ભરવાની લાસ્ટ ડેટ 12 જૂન 2025 છે. કંપની ₹51.30 કરોડનું ભંડોળ એકત્ર કરવાનો લક્ષ્યાંક ધરાવે છે. જેની પ્રાઈઝ બેન્ડ ₹100 – ₹110 પ્રતિ શેર છે. આ કંપની ઇલેક્ટ્રિકલ કેબલ અને એલ્યુમિનિયમ વાયર રોડનું ઉત્પાદન કરે છે અને EHS (પર્યાવરણ, આરોગ્ય અને સલામતી) ધોરણોનું પાલન કરે છે. ઇન્ફ્રાસ્ટ્રક્ચર અને ઉર્જા ક્ષેત્રમાં રસ ધરાવતા રોકાણકારો માટે આ એક આશાસ્પદ વિકલ્પ હોઈ શકે છે.
મોનોલિથિસ્ક ઇન્ડિયા IPO: આ IPO 12 જૂન 2025ના રોજ ખુલી રહ્યો છે. જેની લાસ્ટ ડેટ 16 જૂન 2025 છે. કંપની આ IPOથી ₹82.02 કરોડનું ભંડોળ એકત્ર કરવાનો લક્ષ્યાંક ધરાવે છે. જેની પ્રાઈઝ બેન્ડ ₹135 – ₹143 પ્રતિ શેર છે. આ કંપનીના પ્રમોટર્સ પ્રભાત ટેકરીવાલ અને તેમનો પરિવાર છે. કંપનીની વ્યૂહરચના અને દ્રષ્ટિકોણ સ્કેલેબલ વ્યવસાય પર કેન્દ્રિત છે.
આ અઠવાડિયે ગંગા બાથ ફિટિંગ્સ IPOનું લિસ્ટિંગ થવાનું છે. ગંગા બાથ ફિટિંગ્સનો IPO 4 થી 6 જૂન 2025 દરમિયાન ખુલ્લો હતો અને તેનું ફાળવણી 9 જૂનના રોજ ફાઇનલ કરવામાં આવી હતી. કંપનીનો લિસ્ટિંગ દિવસ 11 જૂન છે. આ SME ક્ષેત્રની કંપની બાથરૂમ ફિટિંગનું ઉત્પાદન કરે છે. SME IPOમાં જોખમ વધારે હોય છે, પરંતુ વળતર પણ એટલું જ પ્રભાવશાળી હોઈ શકે છે.
નોંધ: અહીં આપેલી માહિતી માત્ર જાણકારી માટે છે અમે અહીં રોકાણ કરવાને લઈને કોઈ એડવાઈઝ આપી રહ્યા છે આથી શેરબજાર કે આઈપીઓમાં રોકાણ કરતા પહેલા એક્સપર્ટની સલાહ લો.
