TV9 GUJARATI | Edited By: Bhavyata Gadkari
Feb 25, 2022 | 6:12 PM
યુક્રેન અને રશિયા વચ્ચે ચાલી રહેલા યુદ્ધને કારણે સામાન્ય લોકોની હાલત ખરાબ થઈ ગઈ છે. સતત હિંસાને કારણે લોકો દેશ છોડવા લાગ્યા છે, જ્યારે જે લોકો બચી ગયા છે, તેઓ પોતાનો જીવ બચાવવા માટે આશ્રયસ્થાનોમાં છુપાઈ ગયા છે.
યુક્રેનના કેટલાક લોકોએ યુદ્ધ વચ્ચે દેશ છોડીને પડોશી પોલેન્ડમાં આશરો લીધો છે. આ તસવીર પોલેન્ડના પ્રઝેમિસ્લી શહેરમાં સ્થિત એક રેલ્વે સ્ટેશનની છે, જે યુક્રેનની સરહદ નજીક આવેલું છે. રશિયાના હુમલા બાદ યુક્રેનથી લોકો અહીં પહોંચ્યા છે.
રશિયા સાથે ચાલી રહેલા યુદ્ધ વચ્ચે એરલાઈન્સ બંધ કરી દેવામાં આવી છે. આવી સ્થિતિમાં યુક્રેનના લોકોએ પોતાની કાર દ્વારા પોલેન્ડ જવાનું શરૂ કરી દીધું છે. આ તસવીરમાં એક મહિલા કારમાં દેશ છોડીને ભાગી રહી છે.
આ તસવીર પ્રઝેમિસ્લી રેલવે સ્ટેશનની છે, જ્યાં લોકોએ હોલમાં આશરો લીધો છે. અહીં લોકોને ભોજન પણ પીરસવામાં આવી રહ્યુ છે. રશિયન આક્રમણથી લોકો ભય હેઠળ જીવી રહ્યા છે.
આ તસવીરમાં રાજધાની કિવમાં બોમ્બ શેલ્ટરમાં છુપાયેલી એક મહિલા જોઈ શકાય છે. રશિયન હુમલા બાદ કિવમાં બોમ્બ ધડાકા સંભળાયા છે. જેના કારણે અનેક લોકોએ આશ્રયસ્થાનમાં આશરો લીધો છે.
રશિયાએ યુક્રેનના બીજા સૌથી મોટા શહેર ખાર્કિવમાં વારંવાર મિસાઈલ હુમલા કર્યા છે. તસવીરમાં એક વ્યક્તિ મિસાઈલના બાકીના ટુકડાઓ પાસે ઉભેલી જોઈ શકાય છે.