Photos: આ છે વિશ્વની સૌથી ઉંચી Top 5 હોટલ, વાદળો વચ્ચે હોવાનો થશે અહેસાસ
તમે જાતજાતની અને ભાતભાતની હોટલમાં ગયા હશો. પરંતુ શું તમે જાણો છો કે આ વિશ્વની સૌથી ઉંચી ટોપ 5 હોટલ્સ કઈ કઈ છે? ચાલો તમને જણાવીએ આ અનોખી હોટલ્સ વિશે.
ચીનના શાંઘાઈમાં વિશ્વની સૌથી ઉંચી લક્ઝરી હોટલની શરૂઆત કરવામાં આવી છે. તમને જણાવી દઈએ કે આની ઊંચાઈ 632 મીટર છે. આ હોટલમાં કુલ 120 ફ્લોર છે, જ્યાંથી તમે નજીકથી વાદળોનું અદભૂત દૃશ્ય લઈ શકો છો. jin jiang international hotels ગ્રુપની હોટલનું નામ છે 'જે હોટલ'.
બીજા ક્રમે આવે છે દુબઈની ગેવોરા હોટલ. જી હા અત્યાર સુધી આ હોટલ પહેલા નંબર પર હતી. પરંતુ હવે તે બીજા ક્રમે આવી ગઈ છે. 75 ફ્લોરની આ ઈમારતની ઊંચાઈ 356 મીટર છે.
ત્રીજા નંબરે પણ દુબઈની જ JW Marriott Marquis હોટલનું નામ આવે છે. જી હા આ હોટલની ઊંચાઈ 355 મીટર છે.
વિશ્વની પાંચ ઉંચી હોટલોમાં ચોથા નંબરે છે મલેશિયાના કુઅલા લીમ્પુરા શહેરમાં આવેલી Four Seasons Place. આ હોટલ 343 મીટર ઉંચી છે.
આપણને સૌને જાણીને આશ્ચર્ય થશે કે ટોપ 5 માં ત્રણ હોટલો દુબઈમાં છે. પાંચમાં ક્રમની વાત કરીએ તો દુબઈની જ SLS Dubai Hotel and Residences આ ક્રમે આવે છે. જેની ઊંચાઈ છે 336 મીટર.
Published On - 1:31 pm, Sat, 26 June 21