Dividend Stocks: આ 5 કંપનીઓએ Q4 પરિણામો સાથે ડિવિડન્ડ કર્યું જાહેર, જાણો વિગતો
Dividend Stocks: કેટલીક મોટી કંપનીઓએ તેમના ચોથા ક્વાર્ટર (Q4) પરિણામો સાથે શેરધારકોને ડિવિડન્ડની જાહેરાત કરી છે. આ કંપનીઓ નફાનો એક ભાગ તેમના શેરધારકોને ડિવિડન્ડ આપીને વહેંચી રહી છે.
ONGC એ આ વર્ષે કુલ ₹15,411 કરોડનું ડિવિડેન્ડ આપી કંપનીના ઈતિહાસમાં સૌથી મોટી ચુકવણી કરી છે. ફાઇનલ ડિવિડન્ડ તરીકે ₹1.25 પ્રતિ શેર સાથે FY25 માટે કુલ ₹12.25 પ્રતિ શેર (245%) ડિવિડેન્ડ જાહેર કર્યો છે. અગાઉ, નવેમ્બર 2024માં ₹6 અને જાન્યુઆરી 2025માં ₹5 પ્રતિ શેરના ઇન્ટરિમ ડિવિડેન્ડ મળ્યા હતા.
RVNL એ ₹10ના અંકિત મૂલ્યના શેરી પર ₹1.72 (17.20%) ડિવિડન્ડ જાહેર કર્યુ છે. IRCON એ ₹2ના મૂલ્યના શેરી પર ₹1 (50%) અને Indigo અને NALCO બંનેએ ₹10ના મૂલ્યના શેરી પર ₹10 (100%)નો ડિવિડન્ડ જાહેર કર્યું છે. તમામ ડિવિડેન્ડ AGMમાં શેરહોલ્ડર્સની મંજૂરી બાદ જાહેર કર્યા પછી 30 દિવસની અંદર ચૂકવવામાં આવશે.
આ નિર્ણયો થી સ્પષ્ટ થાય છે કે આ કંપનીઓ નફાકારક છે અને તેમના શેરધારકોના હિતને મહત્વ આપે છે. ખાસ કરીને SIP અને લાંબા ગાળાના રોકાણકારો માટે આ પ્રકારના ડિવિડેન્ડ લાભદાયક સાબિત થઈ શકે છે.
