ટીમ ઈન્ડિયાના ખેલાડીએ 7 વર્ષ મોટી અભિનેત્રી સાથે કર્યા લગ્ન, અર્શદીપ સિંહે શેર કર્યા ફોટો
ભારતીય ટીમના ફાસ્ટ બોલર અને રમનદીપના નજીકના મિત્ર, અર્શદીપ સિંહે પણ પોતાની ઈન્સ્ટાગ્રામ સ્ટોરી પર લગ્નનો એક સુંદર ફોટો પોસ્ટ કરીને દંપતીને આ નવી સફર શરૂ કરવા માટે શુભેચ્છા પાઠવી હતી.
ભારતીય ક્રિકેટર અને કોલકાતા નાઈટ રાઈડર્સ (KKR) ના સ્ટાર ઓલરાઉન્ડર રમનદીપ સિંહ લગ્નના બંધનમાં બંધાઈ ગયા છે. 29 વર્ષીય રમનદીપે જાણીતી ટેલિવિઝન અભિનેત્રી ચાર્લી ચૌહાણ સાથે લગ્ન કર્યા. (ફોટો ક્રેડિટ: PTI)
ભારતીય ટીમના ફાસ્ટ બોલર અને રમનદીપના નજીકના મિત્ર, અર્શદીપ સિંહે પણ પોતાની ઈન્સ્ટાગ્રામ સ્ટોરી પર લગ્નનો એક સુંદર ફોટો પોસ્ટ કરીને દંપતીને આ નવી સફર શરૂ કરવા માટે શુભેચ્છા પાઠવી હતી.
લગ્ન પરંપરાગત પંજાબી રિવાજો પ્રમાણે થયા હતા અને તેમાં નજીકના પરિવારના સભ્યો અને ખાસ મિત્રો હાજર રહ્યા હતા.
રમનદીપ સિંહ અને ચાર્લી ચૌહાણ વચ્ચે સાત વર્ષનો તફાવત છે. ઘરેલુ ક્રિકેટમાં પંજાબ માટે રમતા રમનદીપ સિંહ 29 વર્ષના છે, જ્યારે શિમલામાં જન્મેલી ચાર્લી ચૌહાણ 36 વર્ષના છે.
ચાર્લી ચૌહાણ મનોરંજન ઉદ્યોગનો એક જાણીતો ચહેરો છે. તેણીએ 2009 માં લોકપ્રિય રિયાલિટી શો MTV રોડીઝથી પોતાની કારકિર્દીની શરૂઆત કરી હતી. પછી તે કૈસી યે યારિયાં અને બેસ્ટ ફ્રેન્ડ્સ ફોરેવર જેવા ટીવી શો દ્વારા ઘર-ઘરમાં જાણીતી બની હતી. ચાર્લીએ ડાન્સર કુંવર અમર સાથે લોકપ્રિય ડાન્સ રિયાલિટી શો નચ બલિયેમાં પણ ભાગ લીધો હતો.
ઓલરાઉન્ડર રમનદીપ સિંહે IPL માં કોલકાતા નાઈટ રાઇડર્સ માટે 'ફિનિશર' તરીકે પોતાનું નામ બનાવ્યું છે. તેણે ટીમ ઇન્ડિયા માટે બે T20 મેચ પણ રમી છે, જેમાં 15 રન અને એક વિકેટ પણ લીધી છે. તેણે T20 આંતરરાષ્ટ્રીય કારકિર્દીના પહેલા જ બોલ પર છગ્ગો ફટકારીને ઇતિહાસ રચ્યો હતો.
