Tax Saving: હજુ પણ છે તક..31 માર્ચ પહેલા અહીં રોકાણ કરી બચાવો ટેક્સ
તમે ચાલુ નાણાકીય વર્ષના બાકીના દિવસોમાં કેટલીક જગ્યાએ રોકાણ કરીને ટેક્સ બચાવી શકો છો. આ સ્કીમ્સમાં NPS થી ટેક્સ સેવિંગ મ્યુચ્યુઅલ ફંડનો સમાવેશ થાય છે.
સુકન્યા સમૃદ્ધિ યોજના: દીકરીઓની સુરક્ષા માટે સરકારે સુકન્યા સમૃદ્ધિ યોજના (SSY) શરૂ કરી હતી. તમે તમારી દીકરીના નામે આ સ્કીમમાં રોકાણ કરીને કરમુક્તિનો લાભ મેળવી શકો છો. આ સ્કીમ હેઠળ, તમે કલમ 80C હેઠળ 1.5 લાખ રૂપિયા સુધીની ટેક્સ છૂટનો દાવો કરી શકો છો. આ યોજના હેઠળ સરકાર 8.2% વળતર આપે છે.
મ્યુચ્યુઅલ ફંડ: ઇક્વિટી માર્કેટમાં મ્યુચ્યુઅલ ફંડમાં રોકાણ કરનારાઓને પણ ટેક્સમાં છૂટ મળી શકે છે. તમે ELSS મ્યુચ્યુઅલ ફંડમાં રોકાણ કરીને કર લાભો મેળવી શકો છો, જેને ટેક્સ સેવિંગ મ્યુચ્યુઅલ ફંડ તરીકે પણ ઓળખવામાં આવે છે. તમે SIP રોકાણ શરૂ કરીને પણ કર મુક્તિનો દાવો કરી શકો છો
ફિક્સ ડિપોઝિટ: ટેક્સ સેવિંગ એફડીનો વિકલ્પ બેંકો અને સ્મોલ ફાઇનાન્સ બેંકો દ્વારા આપવામાં આવે છે. ખાસ કરીને વરિષ્ઠ નાગરિકો આ યોજનામાં રોકાણ કરીને કર મુક્તિનો દાવો કરી શકે છે. 5 વર્ષની FDમાં રોકાણ કરીને આવકવેરાની કલમ 80C હેઠળ રૂ. 1.5 લાખની કર મુક્તિ મેળવી શકાય છે.
