30 રૂપિયાના ખર્ચે 100 કિમી ચાલે છે આ ઇલેક્ટ્રિક કાર, જુગાડ જોશો તો દંગ રહી જશો
Tata Nano Solar Car : પશ્ચિમ બંગાળમાં રહેતા એક વેપારીએ એવું અદ્ભુત કામ કર્યું છે કે આખી દુનિયા જોઈને આશ્ચર્યચકિત થઈ ગઈ છે. મનોજિત મંડલ નામના આ વ્યક્તિએ જૂની ટાટા નેનો કારને ઇલેક્ટ્રિક કારમાં બદલી નાખી છે. આ કાર સૂર્યપ્રકાશથી ચાર્જ થાય છે. તેને 100 કિલોમીટર સુધી ચલાવવાનો ખર્ચ માત્ર 30 રૂપિયા છે. 80 kmphની ટોપ સ્પીડ પણ છે.
પેટ્રોલ કારને સોલર કારમાં કન્વર્ટ કરનાર વ્યક્તિનું નામ મનોજિત મંડલ છે. વ્યવસાયે બિઝનેસમેન મનોજિત પાસે જૂની ટાટા નેનો કાર હતી. મનોજિત કહે છે કે તે નાનપણથી જ કંઈક ઈનોવેટિવ કરવા માંગે છે. તેમણે ઘણા વર્ષોથી મહેનત કરીને સોલાર ટેક્નોલોજી વિકસાવી છે. જો કે, શરૂઆતમાં તેના ઇનોવેશન માટે કોઈ સમર્થન ન હતું, સરકારે તેના પર કોઈ ધ્યાન આપ્યું ન હતું. આ પછી તેણે પોતાની પાસે રહેલી ટાટા નેનોને સોલર કારમાં કન્વર્ટ કરવાનો નિર્ણય લીધો છે. હવે મનોજિત મંડલ સૌર ઉર્જાથી ચાલતી ટાટા નેનો કારમાં બાંકુરાની શેરીઓમાં ફરે છે.
નેનો એક કોમ્પેક્ટ હેચબેક કાર છે જે 2008માં ટાટા મોટર્સ દ્વારા લોન્ચ કરવામાં આવી હતી. જો કે, કડક ઉત્સર્જન ધોરણોને કારણે ટાટાએ 2018માં ભારતની સૌથી નાની કાર બંધ કરવી પડી હતી. નેનો ભારતની સૌથી સસ્તી કાર પણ હતી જેની પ્રારંભિક કિંમત ₹1 લાખથી ઓછી હતી. ટાટા નેનો ભારતીય કારના સૌથી નાના એન્જિનોમાંથી એક સાથે ઓફર કરવામાં આવતી હતી. 2 સિલિન્ડર 624cc એન્જિન સાથે આવનારી આ કાર 38 પીએસનો પાવર જનરેટ કરી શકે છે. ચાર સીટર નેનો માત્ર મેન્યુઅલ ગિયરબોક્સ સાથે આવી હતી.
