Summer fruit: ઉનાળામાં દિવસોમાં આ 7 ફળનું કરો સેવન, સ્વાસ્થ્યને થશે ફાયદો, ગરમીમાં મળશે રાહત
Summer fruit:ઉનાળાની ઋતુમાં, તમારા રોજિંદા આહારમાં મોટા ફેરફારો કરવા જરૂરી છે. આ ઋતુમાં શરીરને એનર્જી આપતા ખાદ્યપદાર્થો અને પીણાંનો ઉપયોગ કરવામાં આવે છે. આ સાથે, શરીરને હાઇડ્રેટ રાખવાની પદ્ધતિઓ પણ અજમાવવામાં આવે છે. ઉનાળાની ઋતુમાં ગરમીથી બચવા માટે તમે તમારા આહારમાં 7 પ્રરકારના ફ્રૂટ સલાડ પણ અજમાવી શકો છો.
શક્કર ટેટી- આ ઉનાળાની ઋતુનું અનોખું ફળ છે. તે દરેક જગ્યાએ સરળતાથી ઉપલબ્ધ છે અને સસ્તી હોવાથી દરેક તેને ખરીદી શકે છે. ઠંડી, સ્ફૂર્તિદાયક અને પિત્ત, વાયુ, કબજિયાત નિવારક છે. શારીરિક શ્રમ પછી આ ફળ ખાવાથી થાક દૂર થાય છે અને સંતોષ મળે છે.
તરબૂચ - તેનો પલ્પ જેટલો લાલ હશે, તેટલો જ મીઠો, સ્વાદિષ્ટ અને રસદાર હશે. તેમાં 75 ટકા પાણી છે. હકીકતમાં તે ઉનાળાનું સૌથી સ્વાદિષ્ટ ફળ છે. મોંને સંતોષ આપનાર અને આરોગ્ય પ્રદાન કરનાર માનવામાં આવે છે. તરબૂચનો દરેક ભાગ ઉપયોગી છે, તેની છાલનું શાક પણ સારું બને છે.
જ્યુસી લીચી - આ સિઝનમાં આવતી લીચી માત્ર ઉનાળામાં શરીરના તાપમાનને નિયંત્રણમાં રાખવામાં મદદ કરે છે, પરંતુ પોષણ પણ આપે છે. તે આંખો અને ત્વચા માટે ઉત્તમ છે. તેમાં રહેલા એન્ટીઓક્સીડેન્ટ તત્વો તણાવ અને કરચલીઓ સામે પણ રક્ષણ આપે છે.
નારંગી - રસદાર નારંગી ઉનાળામાં મનને ખૂબ ખુશ કરે છે. વિટામિન C થી ભરપૂર હોવાથી તે રોગપ્રતિકારક શક્તિને પણ વધારે છે અને વજન ઘટાડવામાં પણ મદદરૂપ છે. ફાઈબરથી ભરપૂર સંતરા તમારા પાચન તંત્રને સુધારવામાં મદદ કરે છે.
