Success Story: 14 વર્ષની ઉંમરે થયા લગ્ન, બે બાળકો અને પરિવારની સંભાળ રાખતા એન અંબિકા બન્યા IPS ઓફિસર
કેટલાક લોકો ઉદાહરણ બનીને એવા કામ કરે છે, જેની વાત લાખો યુવાનો માટે પ્રેરણાદાયી બની જાય છે. આવા મહાન વ્યક્તિત્વમાં આઈપીએસ અધિકારી એન અંબિકાનું નામ લેવામાં આવે છે.
તેણે એક ખાનગી સંસ્થામાંથી 10મું અને 12મું પાસ કર્યું અને પછી ગ્રેજ્યુએશન પૂરું કર્યું. IPS ઓફિસર બનવા માટે અંબિકાએ હજુ સિવિલ સર્વિસની પરીક્ષા આપવાની હતી, જેના માટે તેને કોચિંગ માટે ચેન્નાઈ જવું પડ્યું. આવી સ્થિતિમાં તેમના પતિએ તેમની ફરજની સાથે બંને બાળકોનું ધ્યાન રાખ્યું. અંબિકા સિવિલ સર્વિસની પરીક્ષામાં ત્રણ વખત નાપાસ થઈ હતી.
સતત ત્રણ વખત નિષ્ફળ ગયા પછી, તેના પતિએ અંબિકાને ઘરે પાછા ફરવા વિનંતી કરી. પરંતુ અંબિકા પાછી ન ફરી અને તેના પતિ પાસે છેલ્લી વખત પરીક્ષા આપવા માટે પરવાનગી માંગી. પતિની પરવાનગી મળ્યા બાદ અંબિકાએ ચોથી વખત પરીક્ષા આપી અને વર્ષ 2008માં પાસ થઈ અને આઈપીએસ ઓફિસર બની.
IPS ઓફિસર બન્યા પછી અંબિકાને મહારાષ્ટ્રમાં પહેલી પોસ્ટિંગ મળી. હાલ તેઓ મુંબઈમાં ડીસીપીના પદ પર કાર્યરત છે. અંબિકાની સક્સેસ સ્ટોરી દેશભરની છોકરીઓ અને મહિલાઓ માટે એક ઉદાહરણ તરીકે ઉભરી આવી છે.
