ટાટા ટેકનોલોજીસનું ગુરુવારે ધમાકેદાર ડેબ્યૂ રહ્યું હતું. ટાટા ટેક્નોલોજીસ, ટાટા ગૃપની ગુરુવારે ટોપના 10 માં સૌથી વધારે સક્રિય શેરોમાં સામેલ હતી. કંપની ઓટો, એરો અને હેવી મશીનરી ઉત્પાદકોને એન્જિનિયરિંગ અને ટેકનોલોજી સર્વિસ પૂરી પાડે છે.
ટાટા ટેકનોલોજીસના IPOની ઈશ્યૂ પ્રાઈસ 500 રૂપિયા હતી. આ શેર ગુરુવારે NSE અને BSEમાં લિસ્ટ થયો ત્યારે તેનો ભાવ 1,200 રૂપિયા પર લિસ્ટ થયો હતો. લિસ્ટિંગ બાદ શેરના ભાવ 1,400 રૂપિયાની સપાટી પર પહોંચ્યા હતા.
ટાટા ટેકનોલોજીસે માર્ચ 31, 2023 ના રોજ પૂરા થતા નાણાકીય વર્ષમાં કોન્સોલિડેટેડ ચોખ્ખા નફામાં લગભગ 43 ટકા વૃદ્ધિ નોંધાવી હતી, જ્યારે તેની આવક 25 ટકા વધી હતી. તેની મુખ્ય કંપની ટાટા મોટર્સ, બ્રિટનની જગુઆર લેન્ડ રોવર અને વિયેતનામની વિનફાસ્ટ સહિત તેના ટોપ 5 ક્લાઈન્ટ દ્વારા તેની આવકમાં 60.5 ટકા યોગદાન આપ્યું છે.
ટાટા ટેકનોલોજીસના IPO પહેલા એટલે કે, 22 નવેમ્બર પહેલા જે રોકાણકારોએ અનલિસ્ટેડ માર્કેટમાંથી તેના શેરની ખરીદી કરી હતી તેઓના શેર કંપનીએ લોક ઈન પીરિયડમાં રાખ્યા છે. કંપનીના નોટિફિકેશન અનુસાર 27 મે, 2024 સુધી તેનું વેચાણ થઈ શકશે નહીં.
આ શેરનો લોક ઈન પીરિયડ 27 મે, 2024 ના રોજ જ્યારે પૂર્ણ થશે ત્યારે જે રોકાણકારોએ શેરમાં ઈન્વેસ્ટમેન્ટ કર્યું છે તેઓ પ્રોફિટ બુકિંગ કરશે અને તેના કારણે બજારમાં વેચવાલી આવશે. જેટલા પણ શેરહોલ્ડર્સ છે લોક ઈન પીરિયડ બાદ તેઓ મોટા પાયે ટાટા ટેકનોલોજીસના શેરનું વેચાણ કરી શકે છે, જેની સીધી અસર શેરના ભાવ પર પડશે અને ભાવમાં મોટું કરેકશન આવી શકે છે.
Published On - 1:16 pm, Thu, 30 November 23