ભારતીય ફૂટબોલ સ્ટાર સુનિલ છેત્રીએ આંતરરાષ્ટ્રીય ફૂટબોલમાંથી નિવૃત્તિ જાહેર કરી છે. તેણે કહ્યું કે, તે પોતાની છેલ્લી આંતરરાષ્ટ્રીય મેચ 6 જૂને રમશે, તો આજે આપણે આજે સુનીલ છેત્રીના પરિવાર વિશે વાત કરીશું.
સુનીલ છેત્રીનો જન્મ 3 ઓગસ્ટ 1984ના રોજ એક ક્ષત્રિય પરિવારમાં થયો હતો, તેમના પિતા કે.બી. છેત્રી, ભારતીય સેનાના કોર્પ્સ ઓફ ઈલેક્ટ્રોનિક્સ અને મિકેનિકલ એન્જિનિયર્સના અધિકારી અને માતા સુશીલા છેત્રીનો જન્મ ભારતના સિકંદરાબાદમાં થયો હતો.
તેમના પિતા ભારતીય આર્મી ફૂટબોલ ટીમ માટે ફૂટબોલ રમ્યા હતા જ્યારે તેમની માતા અને તેમની જોડિયા બહેન નેપાળની મહિલા રાષ્ટ્રીય ટીમ માટે રમ્યા હતા.તેમણે તેમનું મોટાભાગનું બાળપણ દાર્જિલિંગમાં વિતાવ્યું હતું.
તે દાર્જિલિંગની બેથની સ્કૂલનો વિદ્યાર્થી હતો. તેણે નાની ઉંમરથી જ વિવિધ ટુર્નામેન્ટમાં ભાગ લઈને ફૂટબોલ રમવાનું શરૂ કર્યું. છેત્રી પાંચ ભાષાઓ સારી રીતે બોલે છે અંગ્રેજી, હિન્દી, નેપાળી, બંગાળી અને કન્નડ. તે તેલુગુ, મરાઠી અને કોંકણી ભાષા પણ સમજી શકે છે.
4 ડિસેમ્બર 2017ના રોજ, છેત્રીએ તેની ગર્લફ્રેન્ડ સોનમ ભટ્ટાચાર્ય સાથે લગ્ન કર્યા જે ભૂતપૂર્વ ભારતીય આંતરરાષ્ટ્રીય અને મોહન બાગાનના ખેલાડી સુબ્રતા ભટ્ટાચાર્યની પુત્રી છે.
AFC દ્વારા 2018માં તેમના 34મા જન્મદિવસે સુનીલ છેત્રીને 'એશિયન આઇકોન' તરીકે જાહેર કરવામાં આવ્યા હતા. તેણે 2020 થી શરૂ થતા વૈશ્વિક સ્પોર્ટ્સ જાયન્ટ પુમા સાથે 3-વર્ષના કરાર પર હસ્તાક્ષર કર્યા હતા.
સુનીલ છેત્રીએ પોતાના આંતરરાષ્ટ્રીય કરિયરની શરુઆત વર્ષ 2005માં પાકિસ્તાન વિરુદ્ધ કરી હતી. તે સૌથી વધુ આંતરરાષ્ટ્રીય ગોલ કરનાર ચોથો ખેલાડી છે.
તે ક્રિસ્ટિયાનો રોનાલ્ડો, અલી ડેઈ અને લિયોનેલ મેસ્સી બાદ સૌથી વધુ આંતરરાષ્ટ્રીય ગોલ કરનાર ત્રીજો ખેલાડી છે.તેમણે વર્ષ 2011માં અર્જુન પુરસ્કાર એવોર્ડ અને 2019માં પદ્મ શ્રીથી સન્માનિત કરવામાં આવ્યો હતો.
27 સપ્ટેમ્બર 2022ના રોજ, FIFAએ 'કેપ્ટન ફેન્ટાસ્ટિક' નામના ત્રણ એપિસોડની FIFA+ પર એક ડોક્યુમેન્ટ્રી શરૂ કરી, જેમાં આખી લાઈફ વિશે દેખાડવામાં આવ્યું છે.
39 વર્ષીય ફૂટબોલરે 31 ઓગસ્ટ 2023 ના રોજ બંન્નેએ તેના પુત્ર ધ્રુવનું સ્વાગત કર્યું છે.ભારતના દિગ્ગજ ફુટબોલર સુનીલ છેત્રીએ પોતાના કરિયર દરમિયાન તે અનેક એવોર્ડ તેમજ ભારતીય ફુટબોલને ખુબ આગળ લઈ ગયો છે.
સુનીલ છેત્રી ભારતની 4 સૌથી મોટી ફુટબોલ ક્લબ માટે રમ્યો છે. મોહન બાગાન, જેસીટી, ઈસ્ટ બંગાળ અને ડેમ્પો ક્લબનો ભાગ રહી ચૂક્યો છે. ભારતનો આ દિગ્ગજ ફુટબોલર કૈનસસ સિટી વિઝાર્ડસ ક્લબ માટે રમવાનું ગૌરવ પ્રાપ્ત કરી ચૂક્યો છે. 12 વખત ફીફા વર્લ્ડકપ ક્વોલિફાયર રમી ચુક્યો છે. આ દરમિયાન કુલ 7 ગોલ કર્યા છે.
તમને જણાવી દઈએ કે, ભારતીય ફુટબોલના દિગ્ગજ સુનીલ છેત્રીની માતા સુશીલા છેત્રી અને બહેન નેપાળની મહિલા રાષ્ટ્રીય ટીમ માટે ફુટબોલ રમતી હતી. તેનો દિકરો હાલમાં સંન્યાસ લઈ રહ્યો છે.