ક્રિસ્ટિયાનો રોનાલ્ડોએ જ્યોર્જીના રોડ્રિગ્ઝ સાથે જ્યાં લગ્ન કર્યા તે ઘરની કિંમત કેટલી છે?
પોર્ટુગલના મહાન ફૂટબોલર અને સુપરસ્ટાર સ્ટ્રાઈકર ક્રિસ્ટિયાનો રોનાલ્ડો અને તેની લોંગ ટાઈમ ગર્લફ્રેન્ડ જ્યોર્જીના રોડ્રિગ્ઝે તાજેતરમાં લગ્ન કર્યા હતા. આ દંપતીએ તેમના ખાસ દિવસ માટે વૈભવી હોટેલ કે મહેલને બદલે પોતાનું ઘર પસંદ કર્યું હતું. આ આલીશાન ઘરની કિંમત જાણીને તમે ચોંકી જશો.
ફૂટબોલ સુપરસ્ટાર ક્રિસ્ટિયાનો રોનાલ્ડો અને તેની પાર્ટનર જ્યોર્જીના રોડ્રિગ્ઝે 10 વર્ષના રિલેશનશીપ પછી લગ્નના બંધનમાં બંધાઈને તેમના સંબંધોને નવી દિશા આપી છે. આ ખાસ ક્ષણ માટે આ દંપતીએ પોર્ટુગીઝ શહેર કાસ્કેસમાં પોતાનો નવો અતિ-લક્ઝરી વિલા પસંદ કર્યો.
રોનાલ્ડો અને જ્યોર્જીનાએ 11 ઓગસ્ટના રોજ એક ખાનગી સમારોહમાં લગ્ન કર્યા. 11 ઓગસ્ટ એ બંને માટે એક ખાસ તારીખ છે, કારણ કે આ તારીખે બરાબર 10 વર્ષ પહેલાં, 2016માં, તેઓ પહેલીવાર મળ્યા હતા. લગ્ન સંપૂર્ણપણે ખાનગી રાખવામાં આવ્યા હતા, જેમાં તેમના પાંચ બાળકો સાથે માત્ર ચાર નજીકના સાક્ષીઓ હાજર રહ્યા હતા.
ક્રિસ્ટિયાનો રોનાલ્ડોનું કાસ્કેસમાં રહેલું ઘર પોર્ટુગલમાં સૌથી મોંઘુ માનવામાં આવે છે. મીડિયા રિપોર્ટ્સ અનુસાર, આ ઘરની કિંમત ₹270 કરોડ (આશરે $2.7 બિલિયન USD) થી વધુ છે. આ મિલકત 12,000 ચોરસ મીટરમાં ફેલાયેલી છે.
રોનાલ્ડોના ઘરમાં બે મોટા સ્વિમિંગ પુલ, એક અત્યાધુનિક જીમ, એક ખાનગી સ્પા અને એક ઇન-હાઉસ સ્ક્રીનીંગ રૂમ છે. આ દંપતીનો માસ્ટર બેડરૂમ 300 ચોરસ મીટરમાં ફેલાયેલો છે.
ઘરનો આંતરિક ભાગ વિશ્વની શ્રેષ્ઠ સામગ્રી અને કસ્ટમ-ડિઝાઇન કરેલા ફર્નિચરથી શણગારવામાં આવ્યો છે. આ વૈભવી ઘરમાં નીચે એક ગેરેજ પણ છે જે કરોડો રૂપિયાની કિંમતની સુપરકારથી ભરેલું છે. ઘરની આસપાસના લેન્ડસ્કેપ બગીચા અને ઊંચી દિવાલો સંપૂર્ણ ગોપનીયતાનું એક અનોખું મિશ્રણ પૂરું પાડે છે. (PC: Instagram)
