Commonwealth Games 2026: 8 વર્ષ બાદ કોમનવેલ્થ ગેમ્સમાં નીરજ ચોપરાની વાપસી, જાણો ક્યારે ઉતરશે મેદાનમાં
ઓલિમ્પિક ચેમ્પિયન નીરજ ચોપરા 8 વર્ષ બાદ કોમનવેલ્થ ગેમ્સમાં વાપસી કરવા માટે તૈયાર છે. 2018માં ગોલ્ડ મેડલ જીત્યા બાદ હવે ગ્લાસગોમાં ફરી સુવર્ણ સફળતા મેળવવા ઉતરશે. જોકે, આ વખતે તેનો રસ્તો સરળ નહીં હોય. પાકિસ્તાનના અરશદ નદીમ સહિત વિશ્વના અનેક દિગ્ગજ ભાલા ફેંકનારાઓ તેને પડકાર આપશે. ભારતીય ચાહકોની નજર નીરજના પ્રદર્શન પર રહેશે.
ઓલિમ્પિક ચેમ્પિયન નીરજ ચોપરા 8 વર્ષ બાદ કોમનવેલ્થ ગેમ્સમાં વાપસી કરવા માટે તૈયાર છે. નીરજ ચોપરાએ છેલ્લે 2018 ગોલ્ડ કોસ્ટ કોમનવેલ્થ ગેમ્સમાં ભાગ લીધો હતો. તેણે 86.47 મીટરના થ્રો સાથે ગોલ્ડ મેડલ જીત્યો હતો. 2022માં ઈજાના કારણે તે બર્મિંગહામ ગેમ્સમાં રમી શક્યો નહોતો. હવે ગ્લાસગોમાં તે ફરી એકવાર ગોલ્ડ જીતવાના ઈરાદા સાથે ઉતરશે.
નીરજ 30 જુલાઈએ પુરુષોની ભાલા ફેંક સ્પર્ધાના ક્વોલિફિકેશનમાં ભાગ લેશે. ક્વોલિફિકેશન બપોરે 2:55 વાગ્યે શરૂ થશે. ફાઇનલમાં પહોંચશે તો 31 જુલાઈએ રાત્રે 12:45 વાગ્યે ગોલ્ડ માટે સ્પર્ધા કરશે.
નીરજ સામે પાકિસ્તાનના વર્તમાન કોમનવેલ્થ ચેમ્પિયન અરશદ નદીમનો પડકાર રહેશે. બંને વચ્ચેની ટક્કર ચાહકો માટે સૌથી રસપ્રદ બની શકે છે.
શ્રીલંકાના રુમેશ થરંગા પાથિરાજ, ગ્રેનાડાના બે વખતના વિશ્વ ચેમ્પિયન એન્ડરસન પીટર્સ અને ત્રિનિદાદ-ટોબેગોના કેશોર્ન વોલકોટ પણ નીરજને પડકાર આપશે.
નીરજ 2018ના પ્રદર્શનનું પુનરાવર્તન કરીને ફરી કોમનવેલ્થ ગેમ્સમાં ભારત માટે ગોલ્ડ જીતવા માંગશે. ભારતીય ચાહકોને તેની પાસેથી વધુ એક ઐતિહાસિક પ્રદર્શનની આશા છે. (PC:X)
