Commonwealth Games 2026: નીરજ ચોપરાએ પાકિસ્તાનના નદીમને પાછળ છોડ્યો, પાંચમા નંબર પર હોવા છતાં કર્યો કમાલ
કોમનવેલ્થ ગેમ્સ 2026 ના આઠમા દિવસે પુરુષોના ભાલા ફેંક ક્વોલિફાઇંગ રાઉન્ડમાં નીરજ ચોપરા સહિત ભારતના અન્ય બે ખેલાડીઓએ ફાઈનલમાં ક્વોલીફાય કર્યું હતું. નીરજ ચોપરાએ તેના કટ્ટર પ્રતિસ્પર્ધી પાકિસ્તાનના અરશદ નદીમને પાછળ છોડ્યો હતો. ચાલો ભાલા ફેંક ક્વોલિફિકેશન રાઉન્ડમાં દરેક ખેલાડીના થ્રો ના અંતર પર નજર કરીએ.
કોમનવેલ્થ ગેમ્સમાં ભાલા ફેંકની ફાઇનલમાં નીરજ ચોપરા સહિત ત્રણ ભારતીય ખેલાડીઓએ શાનદાર પ્રદર્શન કર્યું હતું. ત્રણેય ખેલાડીઓ ફાઇનલ માટે ક્વોલિફાય થયા હતા.
નીરજ ચોપરા ક્વોલિફિકેશન રાઉન્ડમાં 79.61 મીટરના થ્રો સાથે પાંચમા સ્થાને રહ્યો હતો અને તે પાકિસ્તાનના અરશદ નદીમથી આગળ રહ્યો હતો.
ક્વોલિફિકેશન રાઉન્ડમાં અરશદ નદીમ સાતમા સ્થાને રહ્યો હતો. પાકિસ્તાની ખેલાડીએ 78.63 મીટર ભાલો ફેંક્યો હતો. છતાં નદીમે ફાઇનલ માટે ક્વોલિફાય કર્યું હતું.
ભારત માટે રોહિત યાદવ અને યશવીર સિંહે પણ સારું પ્રદર્શન કર્યું હતું અને ક્વોલીફાય થયા હતા. રોહિત યાદવ 78.37 મીટરના થ્રો સાથે નવમા સ્થાને રહ્યો હતો. યશવીર સિંહ 78.36 મીટરના થ્રો સાથે દસમા સ્થાને રહ્યો હતો.
ક્વોલિફિકેશન રાઉન્ડમાં શ્રીલંકાના રુમેશ થરંગા પાથિરાજે 82.84 મીટરના થ્રો સાથે પ્રથમ સ્થાન મેળવ્યું. ગ્રેનાડાનો પીટર્સ 81.29 મીટરના થ્રો સાથે બીજા સ્થાને રહ્યો હતો. (PC: PTI)
Published On - 5:27 pm, Thu, 30 July 26
