Breaking News: કોમનવેલ્થ ગેમ્સમાં સૌથી વધુ મેડલ જીતનાર ખેલાડીના ઘરમાં લાગી આગ, બધું બળીને રાખ
કોમનવેલ્થ ગેમ્સના ઈતિહાસમાં સૌથી વધુ મેડલ જીતનાર ખેલાડીનું ઘર બળીને રાખ થઈ ગયું હતું. આ ધટના CWG 2026 દરમિયાન બની હતી અને આ મહાન ખેલાડી ત્યારે ગ્લાસગોમાં હતો. એકતરફ જ્યારે આ ખેલાડી કોમનવેલ્થ ગેમ્સમાં પોતાના દેશ માટે મેડલ જીતી રહ્યો હતો, ત્યારે બીજી તરફ તેનું ઘર આગમાં લપેટાઈ ગયું હતું.
કોમનવેલ્થ ગેમ્સના ઈતિહાસના સૌથી વધુ સન્માનિત એથ્લીટ ચાડ લે ક્લોસનું ઘર આગમાં બળીને રાખ થઈ ગયું હતું. દક્ષિણ આફ્રિકાનો સ્વિમર ચાડ લે ક્લોસ ભૂતપૂર્વ કોમનવેલ્થ ગેમ્સ ચેમ્પિયન છે અને તેણે સૌથી વધુ રેકોર્ડ 21 મેડલ જીત્યા છે.
ચાડ લે ક્લોસનું ઘર કેપટાઉનમાં એક એપાર્ટમેન્ટ હતું. દક્ષિણ આફ્રિકાના સ્વિમરે ઈન્સ્ટાગ્રામ પર ખુલાસો કર્યો કે તેનું ઘર એ જ એપાર્ટમેન્ટ બ્લોકમાં હતું જ્યાં 30 જુલાઈના રોજ આગ લાગી હતી. આગ લાગી ત્યારે લે ક્લોસ ગ્લાસગોમાં હતો.
ગ્લાસગોમાં ઘરમાં આગ લાગવાના એક દિવસ પહેલા, ચાડ લે ક્લોસે પુરુષોની 4x100 મીટર મેડલી રિલેમાં બ્રોન્ઝ મેડલ જીત્યો હતો, જે CWGમાં તેનો રેકોર્ડ 21મો મેડલ હતો.
ચાડ લે ક્લોસના જણાવ્યા અનુસાર, 30 જુલાઈની સાંજે, ગ્લાસગો કોમનવેલ્થમાં અત્યાર સુધીનો સૌથી મોટો રેકોર્ડ તોડવાની વચ્ચે, કેપ ટાઉનમાં મારા એપાર્ટમેન્ટ બ્લોકમાં આગ ફાટી નીકળી હતી, જેણે મારા ઘરને ઝડપથી લપેટમાં લીધું હતું. તેણે આગળ લખ્યું કે દુઃખની વાત છે કે મારું ઘર, જ્યાં હું એક દાયકાથી વધુ સમયથી રહું છું, બળીને રાખ થઈ ગયું અને હવે કંઈ બચ્યું નથી.
CWGમાં સૌથી વધુ 21 મેડલ જીતવા ઉપરાંત, લે ક્લોસ ભૂતપૂર્વ ઓલિમ્પિક ચેમ્પિયન પણ છે. તેણે 2012 લંડન ઓલિમ્પિકમાં 200 મીટર બટરફ્લાય ઈવેન્ટમાં ગોલ્ડ મેડલ જીત્યો હતો. તેની પાસે કુલ 4 ઓલિમ્પિક મેડલ અને 16 વર્લ્ડ ટાઇટલ છે.(PC:PTI/GETTY IMAGES)
