Skin Care Tips: ગરમીમાં સનસ્ક્રીન લગાવવી કેટલી જરુરી? પણ આટલું ધ્યાન રાખજો નહીં તો ફાયદાને બદલે થશે નુકસાન
સનસ્ક્રીનનો ઉપયોગ ત્વચાને યુવી કિરણો એટલે કે સૂર્યના અલ્ટ્રાવાયોલેટ કિરણોથી બચાવવા માટે કરવામાં આવે છે, પરંતુ જો તેને યોગ્ય રીતે લાગુ ન કરવામાં આવે તો તેનો પૂરો ફાયદો નથી મળતો અને ત્વચાને નુકસાન થાય છે.
સ્કિન કેર રુટિન માટે તમારે સનસ્ક્રીનનો સમાવેશ કરવો ખૂબ જ મહત્વપૂર્ણ છે. વાસ્તવમાં, સૂર્યના અલ્ટ્રાવાયોલેટ કિરણો તમારી ત્વચા માટે હાનિકારક છે, કારણ કે તે ત્વચાને અંદરથી નુકસાન પહોંચાડે છે. સૂર્યના અલ્ટ્રાવાયોલેટ કિરણો ત્વચાના DNAને નુકસાન પહોંચાડે છે, જે નાની ઉંમરે ફ્રીકલ્સ, ટેનિંગ અને કરચલીઓ જેવી સમસ્યાઓનું કારણ બને છે આ સાથે તે ત્વચાના કેન્સર જેવા ગંભીર રોગોનું જોખમ પણ વધારે છે.
તેથી, દૈનિક દિનચર્યામાં ત્વચાને સૂર્યપ્રકાશના સીધા સંપર્કથી બચાવવા માટે, ફુલ સ્લીવ્સ કપડાંની સાથે સનસ્ક્રીનનો યોગ્ય રીતે ઉપયોગ કરવો મહત્વપૂર્ણ છે. ઘણી વખત લોકો સનસ્ક્રીન લગાવવાની સાચી રીત શું છે તે લોકો જાણતા નથી, જેના કારણે વ્યક્તિને સંપૂર્ણ લાભ મળતો નથી અને સનસ્ક્રીન લગાવવા છતાં ત્વચાને નુકસાન થાય છે. તો ચાલો જાણીએ સનસ્ક્રીન લગાવતા પહેલા કઈ કઈ બાબતો જાણી લેવી જોઈએ
SPF લેવલ ચેક કર્યા પછી જ સનસ્ક્રીન ખરીદો : જો તમે સૂર્યના અલ્ટ્રાવાયોલેટ કિરણોથી ત્વચાને બચાવવા માટે સનસ્ક્રીનનો ઉપયોગ કરો છો, તો સૌ પ્રથમ ધ્યાન આપો કે ક્રીમ અથવા લોશનમાં શું SPF છે. સામાન્ય રીતે, 30 SPF થી 50 SPF સુધીની સનસ્ક્રીન યોગ્ય માનવામાં આવે છે, પરંતુ તમે તમારી ત્વચાના ટોન અને ટેક્સચર અનુસાર આ વિશે ત્વચારોગ નિષ્ણાતની સલાહ લઈ શકો છો.
શું ઘરે પણ સનસ્ક્રીન લગાવવું જરૂરી છે? : ઘણીવાર લોકો વિચારે છે કે જો સૂર્યપ્રકાશ ન હોય અથવા તમે ઘરમાં હોવ તો સનસ્ક્રીનનો ઉપયોગ કરવો જરૂરી નથી, જ્યારે સૂર્યપ્રકાશ ન હોય અને તમે ઘરમાં હોવ ત્યારે પણ તમારે સનસ્ક્રીનનો ઉપયોગ કરવો જોઈએ, કારણ કે બારી કે પછી દરવાજા મારફતે તમે સૂર્યપ્રકાશના સંપર્કમાં આવો છે.
જો તમારે ક્યાંક બહાર જવું હોય તો 15 થી 20 મિનિટ પહેલા સનસ્ક્રીન ક્રીમ અથવા લોશન લગાવો જેથી તે તમારી ત્વચામાં યોગ્ય રીતે શોષાઈ જાય. તે જ સમયે, એકવાર સનસ્ક્રીન લગાવવું પૂરતું નથી, કારણ કે તે 4 થી 5 કલાકમાં બિનઅસરકારક બની શકે છે, આથી જો તમે બહાર ફરી રહ્યા છો તો તમારે થોડા કલાકોના અંતરાલ પર ફરીથી સનસ્ક્રીન લગાવવું જોઈએ.
શું ડાર્ક સ્કિન ટોન માટે સનસ્ક્રીન જરુરી નથી? : મોટાભાગના લોકોમાં આ ગેરસમજ હોય છે કે ડાર્ક સ્કિન ટોન ધરાવતા લોકોએ સનસ્ક્રીનનો ઉપયોગ કરવો જરૂરી નથી, જ્યારે દરેક સ્કીન ટોન વ્યક્તિએ સનસ્ક્રીન લગાવવી જોઈએ, કારણ કે સનસ્ક્રીન લગાવવાનો મતલબ માત્ર ત્વચાને ટેનિંગ અથવા ડાર્ક થવાથી બચાવવા માટે જ નહીં. સૂર્યના કિરણોથી, પણ ત્વચાને નુકસાનથી બચાવવા માટે, સનસ્ક્રીનનો ઉપયોગ કરવો જોઈએ.