Russia Ukraine War: ધ્વંસ્ત થયેલી ઈમારતો, ડરેલા બાળકો, તસવીરો જોઇ તમારુ હ્રદય કાંપી ઉઠશે
રશિયા અને યુક્રેન વચ્ચે યુદ્ધ ચાલુ છે. રશિયા યુક્રેનના મોટા શહેરોને નિશાન બનાવીને સતત બોમ્બમારો કરી રહ્યું છે. તેણે સર્વત્ર હાહાકાર મચાવ્યો છે.
યુક્રેનના રાષ્ટ્રપતિના સલાહકારનું કહેવું છે કે રાજધાની અને દેશના દક્ષિણમાં લડાઈ ચાલી રહી છે અને યુક્રેનિયન દળો સફળતાપૂર્વક રશિયન હુમલાઓનો સામનો કરી રહ્યા છે.
રાષ્ટ્રપતિ વોલોડિમિર ઝેલેન્સકીના સલાહકાર મિખાઇલો પોડોલિકે શનિવારે જણાવ્યું હતું કે રશિયન દળોના નાના જૂથોએ કિવમાં ઘૂસણખોરી કરવાનો પ્રયાસ કર્યો હતો અને યુક્રેનિયન સૈનિકો સાથે ઘર્ષણ થયુ હતુ.
તેમણે કહ્યું કે રશિયા કિવ પર કબજો કરીને દેશના નેતૃત્વને નષ્ટ કરવા માંગે છે, પરંતુ રશિયન સેના કોઈ લીડ મેળવવામાં નિષ્ફળ રહી છે અને કિવમાં સ્થિતિ યુક્રેનિયન દળોના નિયંત્રણમાં છે.
Russia Ukraine War Live Updates in Gujarati
તેમણે કહ્યું કે રશિયા દક્ષિણ પર કબજો મેળવવાને પ્રાથમિકતા માને છે પરંતુ કોઈ નોંધપાત્ર ફાયદો કરવામાં નિષ્ફળ રહ્યું છે. "...યુક્રેન જીતી રહ્યું છે," પોડોલિકે બ્રીફિંગમાં કહ્યું.
યુક્રેનના રાષ્ટ્રપતિ વોલોડીમિર ઝેલેન્સકીએ પણ નવેસરથી ખાતરી આપી છે કે દેશની સેના રશિયન આક્રમણનો સામનો કરશે. કિવ શહેરની એક ગલીમાં રેકોર્ડ કરાયેલા વીડિયોમાં, ઝેલેન્સકીએ કહ્યું કે તેણે શહેર છોડ્યું નથી અને યુક્રેનિયન સૈન્ય તેના હથિયારો નીચે મૂકશે તેવા દાવાઓને ફગાવી દીધા છે.
તેમણે કહ્યું, 'અમે દેશની રક્ષા કરીશું. આપણું શસ્ત્ર આપણું સત્ય છે અને આપણું સત્ય છે આ આપણી ધરતી, આપણો દેશ, આપણા બાળકો અને અમે તે બધાનો બચાવ કરીશું.
