Rajkot news : રાજકોટમાં માતાજીના ‘માટીના ગરબા’ ધૂમ મચાવી રહ્યા છે, અવનવા ગરબાની ડિઝાઈન કંઈ રીતે બને છે-જુઓ Photos
નવરાત્રી ટૂંક સમયમાંજ શરૂ થવા જઈ રહી છે. ત્યારે લોકો ભાવપૂર્વક માટીના ગરબાની ખરીદી કરી રહ્યા છે. આ નવ દિવસો દરમિયાન મા દૂર્ગાની ગરબા પ્રગટાવીને ઉપાસના કરશે. આ વખતે રાજકોટ શહેરમાં અલગ અલગ ડિઝાઇન વાળા અવનવા માટીના ગરબાઓએ બજારોમાં આકર્ષણ જમાવ્યું છે.
નવ દિવસો દરમિયાન મા દૂર્ગાની ગરબા પ્રગટાવીને પૂજા-અર્ચના કરશે.રાજકોટમાં માટીના ગરબા અમેરિકન ડાયમંડ્સવાળા ગરબા અને લાઈટિંગવાળા ગરબા ધૂમ મચાવી રહ્યાં છે.
માટીના ગરબામાં વિવિધ સુંદર રંગો લગાવીને અવનવા ગરબાઓ તૈયાર કરવામાં આવી રહ્યાં છે. ત્યારે શહેરમાં શાનદાર ડિઝાઇન અને નવરંગી ગરબા, અમેરિકન ડાયમંડ્સ અને સુંદર લાઈટ વાળા ગરબા બનાવામાં આવે છે. આ માટીના ગરબા સૌરાષ્ટ્ર સહિત આખા ગુજરાત તેમજ દેશ-વિદેશ પણ મોકલાવામાં આવે છે. કેમ કે ત્યાં પણ આવા ગરબાની બોલબાલા છે.
કરશનભાઈ વડોલીયા એ કહ્યું કે, તેમની સાઈટ રાજકોટ 150ફૂટ રિંગરોડ નજીક શાસ્ત્રીનગર 2માં આવેલી છે. જ્યાં તેઓ પોતાના હાથે જ બનાવેલા ગરબાનું વેચાણ કરે છે. એક ગરબો બનવા માટે 10 થી 20 મિનિટનો સમય લાગે છે. ઈલેક્ટ્રીક ચાકળા પર ગરબો તૈયાર કરવામાં આવે છે.
કરશનભાઈ પાસે નાની સાઈઝથી મોટી સાઈઝ ગરબાની અઢળક વેરાયટી છે. અહિંયા રાજકોટ શહેરમાં 50 રૂપિયાથી લઈને 4500 રૂપિયાની કિંમત સુધીના અલગ-અલગ ગરબા તૈયાર થાય છે.
કરશનભાઇ દરેક ગરબાની પેટર્ન અલગ-અલગ બનાવે છે. એટલે કે એક ડિઝાઈનનો ગરબો એક જ બનાવે છે. જેથી ગરબાનું આકર્ષણ વધી જાય છે.
કરશનભાઇ છેલ્લા ઘણા વર્ષથી માટીના ગરબા બનાવે છે. આ ગરબામાં કાળી અને પીળી માટીનો ઉપયોગ કરી અને ગરબો તૈયાર કરવામાં આવે છે.
ટેકનોલોજીના યુગમાં ચાકડો પણ ઇલેક્ટ્રિક મોટરથી ચાલતો હોવાથી કામ પણ ઝડપથી થાય છે.
બજારમાં અત્યારે અવનવી ડિઝાઈનના પેટર્ન વાળા ગરબા વેચાઈ રહ્યા છે. તેના કોડિયાને પણ અલગ-અલગ રીતે રંગ અને ડિઝાઈન કરવામાં આવે છે. આવી રીતે બનતા ગરબા દેખાવે ખૂબ જ સુંદર અને આકર્ષક લાગે છે.
Published On - 10:59 am, Sat, 7 October 23
