સ્માર્ટવોચનો વધુ પડતો ઉપયોગ બની શકે છે જીવલેણ, આ બાબતોનું રાખો ધ્યાન
માર્કેટમાં ઘણી કંપનીઓ તેમની સ્માર્ટવોચ દ્વારા લોકોના સ્વાસ્થ્ય પર નજર રાખવાનો દાવો કરે છે. ઘણા પોતાના કાંડા પર સ્માર્ટવોચ પહેરે છે. સ્માર્ટવોચ ઇલેક્ટ્રોમેગ્નેટિક ફિલ્ડ (EMF) રેડિયેશન ઉત્પન્ન કરે છે, જે સ્વાસ્થ્ય માટે જોખમી હોઈ શકે છે. આ સિવાય રેડિયેશનની પણ સ્વાસ્થ્ય પર ઘણી ખરાબ અસર પડે છે.
હાલના સમયમાં સ્માર્ટવોચનો ઉપયોગ કેટલો વધી ગયો છે તે કહેવાની જરૂર નથી. આપણામાંના ઘણા લોકો કાંડા પર સ્માર્ટ વોચ પહેરે છે. હાલ તો સ્માર્ટવોચ પહેરવાની ફેશન બની ગઈ છે. સ્માર્ટવોચનો ક્રેઝ યુવાનોથી લઈને વૃદ્ધો સુધી જોવા મળે છે. આ વોચ જે હૃદયના ધબકારા, બ્લડ પ્રેશર, વર્કઆઉટ અને પગલાની ગણતરી કરે છે તે ખરેખર હાથ પર બાંધેલી હથકડી જેવી છે. વિશ્વભરમાં થયેલા સંશોધનમાં સામે આવ્યું છે કે દર મિનિટે તમારા સ્વાસ્થ્ય પર નજર રાખતા આ સ્માર્ટવોચ વાસ્તવમાં તમારા સ્વાસ્થ્ય સાથે ચેડા કરી રહ્યા છે.
કંપનીઓ સતત વિવિધ સ્માર્ટવોચ બજારમાં મુકી રહી છે. જેને લોકો ખૂબ પસંદ પણ કરી રહ્યા છે. ઘણી કંપનીઓ દાવો કરે છે કે આ સ્માર્ટવોચ લોકોના સ્વાસ્થ્ય પર ધ્યાન રાખી શકે છે.
ઘણા લોકો એ જાણવાનો પ્રયાસ કરી રહ્યા છે કે શું સ્માર્ટવોચ પહેરવાથી લોકોના સ્વાસ્થ્ય પર ખરાબ અસર પડી શકે છે. આરોગ્ય નિષ્ણાતોનું માનવું છે કે સ્માર્ટવોચનો વધુ પડતો ઉપયોગ સ્વાસ્થ માટે નુકસાનકારક સાબિત થઈ શકે છે. સ્માર્ટ વોચ ઇલેક્ટ્રોમેગ્નેટિક ફિલ્ડ (EMF) રેડિયેશન ઉત્પન્ન કરે છે. આ સ્વાસ્થ્ય માટે ખૂબ જ ઘાતક સાબિત થઈ શકે છે.
રેડિએશનની શરીરના સ્વાસ્થ્ય પર ઘણી નકારાત્મક અસર પણ થાય છે. સ્માર્ટવોચનો ઉપયોગ 24 કલાક સુધી ન કરવો જોઈએ. જ્યારે જરૂર હોય ત્યારે જ તેનો ઉપયોગ કરવો જોઈએ. સ્માર્ટવોચ જે દર્શાવે તેના પર પોતાના સ્વાસ્થ્યનું ધ્યાન રાખવું જોઈએ નહીં.
જો તમે ચોવીસ કલાક સ્માર્ટવોચ પહેરો છો, તો તેનાથી ઉત્પન્ન થતા રેડિયેશનથી માથામાં દુખાવો થઈ શકે છે. આવી સ્થિતિમાં સ્માર્ટવોચને લાંબા સમય સુધી પહેરવી જોઈએ નહીં. લોકો મોડી રાત સુધી સ્માર્ટવોચનો ઉપયોગ કરતા હોય છે. જેના કારણે તેમની ઊંઘના સમયમાં ફેરફાર થાય છે. ઊંઘ ન આવવાથી મૂડ સ્વિંગની સમસ્યા પણ થઈ શકે છે.
ઘણા લોકોને પોતાની સ્માર્ટવોચ જોવાની આદત હોય છે. આવુ કરવાથી તેમનું અન્ય કામમાં ધ્યાન રહેતુ નથી. આ તકલીફને બોડી ડિસમોર્ફિયા કહેવામાં આવે છે.
નોંધ : આ લેખ માત્ર જાણકારી માટે છે અને તેને વિવિધ લેખનાં આધારે તૈયાર કરવામાં આવ્યો છે. આ તમામ સાથે Tv9 ગુજરાતી પણ સંમત જ છે તેમ માનવું નહી
Published On - 12:28 pm, Fri, 17 November 23