Ola Electric Scooter : ઓલા ઇલેક્ટ્રિક સ્કૂટરની કિંમતમાં ધરખમ ઘટાડો, S1 X+ સૌથી સસ્તું, જાણો નવી કિંમત
ભારતીય EV માર્કેટમાં મજબૂત સ્પર્ધા છે. નવી ઈલેક્ટ્રિક ટુ-વ્હીલર કંપનીઓ પણ એન્ટ્રી કરી રહી છે, ત્યારે ઓલાએ ઇલેક્ટ્રિક સ્કૂટરની કિંમતમાં મોટો ઘટાડો કરવાનો નિર્ણય લીધો છે. નવું ઇલેક્ટ્રિક સ્કૂટર ખરીદનારા લોકો માટે આ એક સારી તક છે. ભાવમાં ઘટાડો ઓલાને વધુ સારું વેચાણ હાંસલ કરવામાં મદદ કરી શકે છે.
કંપનીએ Ola S1 X+થી લઈને S1 Pro મોડલમાં કિંમત ઘટાડી છે. S1 X+ની કિંમતમાં રૂપિયા 25,000નો ઘટાડો કર્યો છે, હવે આ મોડલની કિંમત 84,999 છે. તો S1 Proમાં 17,500ના ઘટાડા સાથે તેની નવી કિંમત રૂ.1,29,999 છે. તો Ola S1 Airની નવી કિંમત 15,000ના ઘટાડા બાદ રી.1,04,999 છે. આ તમામ કિંમત એક્સ શોરૂમ છે.
Ola S1 Pro સૌથી પાવરફુલ ઇલેક્ટ્રિક સ્કૂટર છે. તેની ટોપ સ્પીડ 120 કિમી પ્રતિ કલાક છે. તે સંપૂર્ણ ચાર્જ પર 195 કિલોમીટરનું અંતર કાપી શકે છે. તો Ola S1 Air એ કંપનીનું બીજું શાનદાર ઇલેક્ટ્રિક સ્કૂટર છે. તે 90 કિમી/કલાકની હાઈ સ્પીડે દોડી શકે છે. તે સિંગલ ચાર્જ પર 151 કિલોમીટરની રેન્જ આપે છે.
Ola S1 X+નું પ્રદર્શન પણ S1 એર જેવું છે. એકવાર સંપૂર્ણ ચાર્જ કર્યા બાદ આ ઇલેક્ટ્રિક સ્કૂટર પણ 151 કિલોમીટર દોડે છે. તેની ટોપ સ્પીડ 90 કિમી પ્રતિ કલાકની છે. આ ઓલાનું સૌથી સસ્તું ઇલેક્ટ્રિક સ્કૂટર છે. (Image - Ola)
