NTPC ગ્રીન એનર્જી IPO 18 નવેમ્બરે ખુલી શકે છે, ગ્રે માર્કેટમાં જોવા મળી તેજી
NTPC Green Energy IPO: NTPC લિમિટેડની પેટાકંપની NTPC ગ્રીન એનર્જી IPO 18 નવેમ્બરે ખુલી શકે છે. તારીખો કંપની દ્વારા સત્તાવાર રીતે જાહેર કરવાની બાકી છે. NTPC ગ્રીન એનર્જી સોમવાર, 11 નવેમ્બરે રેડ હેરિંગ પ્રોસ્પેક્ટસ ફાઇલ કરશે.
NTPC લિમિટેડની પેટાકંપની NTPC ગ્રીન એનર્જી IPO 18 નવેમ્બરે ખુલી શકે છે. તારીખો કંપની દ્વારા સત્તાવાર રીતે જાહેર કરવાની બાકી છે. NTPC ગ્રીન એનર્જી સોમવાર, 11 નવેમ્બરે રેડ હેરિંગ પ્રોસ્પેક્ટસ ફાઇલ કરશે. આ બાબતની જાણકાર વ્યક્તિના જણાવ્યા અનુસાર, શુક્રવારે NTPC ના શેર ધરાવતા રોકાણકારોને શેરધારકોનો ક્વોટા મળશે.
રિપોર્ટ અનુસાર, આ સિવાય NTPC ગ્રીન એનર્જી IPOમાં કર્મચારીઓ માટે પ્રાઈસ ડિસ્કાઉન્ટ હોઈ શકે છે. તેમજ તેમના માટે અલગ ક્વોટા પણ બનાવી શકાય છે. સેબીએ NTPC ગ્રીન એનર્જીના રૂ. 10,000 કરોડના IPOને મંજૂરી આપી છે. કંપનીએ 18 સપ્ટેમ્બર 2024ના રોજ IPO માટે સેબીને અરજી કરી હતી.
GMP શું છે? - ઈન્વેસ્ટર્સ ગેઈન રિપોર્ટ અનુસાર, NTPC ગ્રીન એનર્જી આઈપીઓ આજે રૂ. 25ના પ્રીમિયમ પર ટ્રેડ થઈ રહ્યો છે. અગાઉ ગઈકાલે પણ આઈપીઓ રૂ. 25ના જીએમપી પર ટ્રેડ થઈ રહ્યો હતો.
ICICI સિક્યોરિટીઝે NTPCના શેરને બાય ટેગ આપ્યો છે. બ્રોકરેજ હાઉસે જણાવ્યું હતું કે, “કંપનીની ઓપરેશનલ ક્ષમતા 3.2 ગીગાવોટ છે. કંપનીના 12 GW ક્ષમતાના રિન્યુએબલ પ્રોજેક્ટનું બાંધકામ ચાલી રહ્યું છે. તે જ સમયે, 11 ગીગાવોટ પ્રોજેક્ટ પાઇપલાઇનમાં છે.
કંપની તેના રિન્યુએબલ એનર્જી પ્રોજેક્ટ્સની ક્ષમતા વધારવા તેમજ કોર્પોરેટ અને PSUsની રિન્યુએબલ એનર્જી જરૂરિયાતો માટે સંબંધો બનાવવા પર ધ્યાન કેન્દ્રિત કરે છે.” એનટીપીસીએ નાણાકીય વર્ષ 2032 સુધીમાં 60 ગીગાવોટનું લક્ષ્ય નક્કી કર્યું છે.