1 / 6
Mashroom Communicate Like Human: બાળપણમાં આપણે સજીવ અને નિર્જીવનું પ્રકરણ વાંચ્યું જ હશે. જેમાં છોડ આપણી જેમ જીવંત હોવાની માહિતી મળી હતી. જેમણે વાંચ્યું નથી તેઓ પણ જાણતા જ હશે કે વૃક્ષો અને છોડમાં પણ જીવન છે. મોટા થતાં આપણે એ પણ શીખ્યા કે આપણી જેમ માણસો, વૃક્ષો અને છોડ પણ પીડા અનુભવે છે. પરંતુ હવે એક નવી માહિતી સામે આવી છે. વૈજ્ઞાનિકોના મતે મનુષ્યની જેમ મશરૂમ પણ એકબીજા સાથે વાત કરે છે. એક નવા અભ્યાસમાં આ વાતની પુષ્ટિ કરવામાં આવી છે. ધ ગાર્ડિયનના એક અહેવાલ મુજબ, આ ફૂગ એકબીજાને જે વિદ્યુત સંકેતો મોકલે છે તેનો ગાણિતિક રીતે અભ્યાસ કરવામાં આવ્યો હતો અને આ અભ્યાસમાં જાણવા મળ્યું હતું કે, તે માનવ ભાષા સાથે ખૂબ સમાન છે.