પરિવાર સાથે બનાવો કચ્છના સફેદ રણ ફરવા જવાનો પ્લાન, IRCTC ટુર પેકેજમાં કરાવો બુકિંગ
આ ટુર પેકેજની શરૂઆત મહારાષ્ટ્રના મુંબઈથી થશે. આ એક ટ્રેન ટૂર પેકેજ છે એટલે કે તમને ટ્રેન દ્વારા મુંબઈથી ગુજરાતના ભુજ સુધી લઈ જવામાં આવશે. આ ટુર પેકેજમાં તમને સેકન્ડ AC કોચમાં મુસાફરી કરવા મળશે. પેકેજમાં તમને કચ્છના રણના ટેન્ટ સિટીમાં રહેવાની તક મળશે. આ પેકેજ 5 દિવસ અને 4 રાત્રિ માટેનું છે.
ગુજરાતના કચ્છનું સફેદ રણ ભારતના ફેમસ ટુરિસ્ટ પ્લેસમાંથી એક છે. દર વર્ષે લાખો પ્રવાસીઓ અહીં ફરવા માટે આવે છે. IRCTC પ્રવાસીઓ માટે ગુજરાતના સફેદ રણનું ટુર પેકેજ લાવ્યું છે. આ પેકેજનું નામ છે Poornima Pe Rann-White Rann Resorts.
આ ટુર પેકેજની શરૂઆત મહારાષ્ટ્રના મુંબઈથી થશે. આ એક ટ્રેન ટૂર પેકેજ છે એટલે કે તમને ટ્રેન દ્વારા મુંબઈથી ગુજરાતના ભુજ સુધી લઈ જવામાં આવશે.
આ ટુર પેકેજમાં તમને સેકન્ડ AC કોચમાં મુસાફરી કરવા મળશે. પેકેજમાં તમને કચ્છના રણના ટેન્ટ સિટીમાં રહેવાની તક મળશે. આ પેકેજ 5 દિવસ અને 4 રાત્રિ માટેનું છે. પેકેજમાં તમને બે દિવસ બ્રેકફાસ્ટ, બે લંચ અને 2 ડિનર આપવામાં આવશે.
આ ઉપરાંત ભુજના ટુરિસ્ટ પ્લેસ પર ફરવા જવા માટે બસની સુવિધા મળશે. આ પેકેજમાં તમને ટ્રાવેલ ઇન્શ્યોરન્સની સુવિધા આપવામાં આવી રહી છે. આ પેકેજ 24 જાન્યુઆરી, 2023 ના રોજ શરૂ થશે.
આ ટુર પેકેજમાં જો એક વ્યક્તિ હશે તો પ્રતિ વ્યક્તિ 38,485 રૂપિયા ચૂકવવા પડશે. બે લોકો માટે વ્યક્તિ દીઠ 24,975 રૂપિયા અને ત્રણ લોકો માટે પ્રતિ વ્યક્તિ 23,000 રૂપિયા ચૂકવવા પડશે.