Mahindraની આ SUVની જોરદાર ડિમાન્ડ, આજે બુક કરાવશો તો 2026માં મળશે ચાવી !
3 ડોર Thar પછી મહિન્દ્રાએ આ વર્ષે ગ્રાહકો માટે નવી 5 ડોર થાર લોન્ચ કરી છે. Thar Roxxને લોન્ચ થયા બાદથી ખૂબ જ સારો પ્રતિસાદ મળી રહ્યો છે. આ SUVનું બુકિંગ શરૂ થતાં જ કંપનીને એક કલાકમાં 1.76 લાખ બુકિંગ મળી ગયા છે અને આ SUVનો વેઇટિંગ પિરિયડ 1.5 વર્ષ વધી ગયો છે.
3 ડોર Thar પછી મહિન્દ્રાએ આ વર્ષે ગ્રાહકો માટે નવી 5 ડોર થાર લોન્ચ કરી છે. Thar Roxxને લોન્ચ થયા બાદથી ખૂબ જ સારો પ્રતિસાદ મળી રહ્યો છે.
આ SUVનું બુકિંગ શરૂ થતાં જ કંપનીને એક કલાકમાં 1.76 લાખ બુકિંગ મળી ગયા છે. Thar Roxxને ગ્રાહકો તરફથી મળી રહેલા જબરદસ્ત પ્રતિસાદને કારણે આ SUVનો વેઇટિંગ પિરિયડ 1.5 વર્ષ વધી ગયો છે.
આ કારની ડિલિવરી સમગ્ર ભારતમાં શરૂ થઈ ગઈ છે, પરંતુ અહેવાલો અનુસાર હાલમાં આ SUVના માત્ર AX5, AX7L અને MX5 વેરિઅન્ટની જ ડિલિવરી થઈ છે.
જો રિપોર્ટ્સનું માનીએ તો, હવે આ વેરિઅન્ટ્સ માટે પણ કેટલાક ગ્રાહકોને 2024ના અંત સુધી ડિલિવરી ટાઈમલાઈન મળી છે, જ્યારે કેટલાક લોકોને 2025 ની શરૂઆત સુધી ડિલિવરી ટાઈમલાઈન મળી છે. Thar Roxx 4WD બુક કરનારા ગ્રાહકો 2025ની શરૂઆતથી 2025ના મધ્ય સુધી ડિલિવરી મેળવી શકે છે.
Mocha Brown Thar Roxx 4WD અને 2WD વર્ઝનના ટોપ વેરિઅન્ટનું બુકિંગ કરનારા ગ્રાહકો ખાસ કરીને જેઓ ઓટોમેટિક ગિયરબોક્સ પસંદ કરે છે, તેઓએ 2025ના મધ્યથી મે 2026 સુધી લાંબા સમય સુધી રાહ જોવી પડી શકે છે. આનો અર્થ એ થયો કે Thar Roxxનો વેઇટિંગ પિરિયડ 18 મહિના સુધી પહોંચી ગયો છે.
મહિન્દ્રાની ઓફિશિયલ સાઇટ મુજબ આ 5 ડોરવાળી SUVના બેઝ વેરિઅન્ટની કિંમત 12.99 લાખ રૂપિયા (એક્સ-શોરૂમ) છે, જ્યારે આ SUVના ટોપ વેરિઅન્ટને ખરીદવા માટે તમારે 22.49 લાખ રૂપિયા ખર્ચવા પડશે.
અહેવાલો અનુસાર, મહિન્દ્રાની આ ફેમસ SUVનું પેટ્રોલ વેરિઅન્ટ એક લિટરમાં 12.40kmpl ની માઈલેજ આપે છે, જ્યારે બીજી તરફ ડીઝલ વેરિઅન્ટ એક લિટરમાં 15.20kmpl સુધીની માઈલેજ આપે છે. (Image - Mahindra)