TV9 GUJARATI | Edited By: Bhavyata Gadkari
Dec 26, 2021 | 4:38 PM
એસ્ટ્રોવર્લ્ડમાં સિંગર અને રેપર ટ્રેવિસ સ્કોટના પરફોર્મન્સ દરમિયાન થયેલા અકસ્માત બાદ તેની પાર્ટનર અને સોશિયલ મીડિયા સ્ટાર કાઈલી જેનરે સોશિયલ મીડિયાને અલવિદા કહ્યું. તમને જણાવી દઈએ કે આ દુર્ઘટનામાં ઘણા લોકોના મોત થયા હતા, જ્યારે ઘણા લોકો ઘાયલ થયા હતા.
આ અકસ્માતમાંથી સાજા થયા બાદ હવે કાઈલીએ ઈન્સ્ટાગ્રામ પર કમબેક કર્યું છે.
કાઈલીએ પોતાના ઈન્સ્ટાગ્રામ પર ક્રિસમસ સેલિબ્રેશનની કેટલીક તસવીરો પોસ્ટ કરી છે, જેમાં તેણે દર્શાવ્યું છે કે તેના ઘરે એક નવો મહેમાન આવ્યો છે, જે એક બિલાડી છે.
આ સાથે કાઈલીએ તેનું હીરા જડેલું પર્સ પણ બતાવ્યું, જે સિંહના આકારનું છે.
કાઇલીએ તેની બિલાડી અને ગિફ્ટ્સ સાથે ક્રિસમસની ઉજવણી કરી.
તમને જણાવી દઈએ કે કાઈલી જેનર ગર્ભવતી છે અને તે બીજી વખત ટ્રેવિસ સ્કોટના બાળકની માતા બનવા જઈ રહી છે.