ગ્લોઈંગ ત્વચા મેળવવા માટે કીવી છે ફાયદાકારક, જાણો તેના હેલ્થ બેનિફિટ્સ
Kiwi health benefits : કેટલાક ફળ અને શાકભાજી આપણી ત્વચા માટે ખુબ ફાયદાકારક હોય છે. કીવી ફળ પણ આપણા શારીરિક સ્વાસ્થ્ય માટે ખુબ ફાયદાકારક ફળ છે. કીવી આપણી ત્વચાની ઘણી સમસ્યા દૂર કરે છે.
કીવી પણ આપણા સ્વાસ્થ્ય માટે ખુબ લાભદાયક માનવામાં આવે છે. આ ફળ સ્વાદમાં થોડું ખાટા હોય છે. તેમાં આપણા સ્વાસ્થ્ય માટે ઉપયોગી ઘણા પ્રકારના પોષક તત્ત્વો હોય છે. તેને સુપર ફ્રુટ પણ કહેવામાં આવે છે.
કીવીનો ઉપોયગ કાર્ડિયોવ્સકુલર રોગની સારવાર માટે, આંખના રોગો અને બ્લડ પ્રેશરના નિયંત્રણ માટે કરવામાં આવે છે. કીવી વિટામિન C,E, K અને પોટેશિયમ વગેરે તત્ત્વોનો સારો સ્ત્રોત છે.
કીવીમાં વધારે માત્રામાં એન્ટીઓક્સીડેન્ટ હોય છે, તે શરીરની રોગપ્રતિકારક શક્તિને મજબૂત બનાવે છે. તે ત્વચા સંબંધિત તમામ સમસ્યાઓની સારવાર માટે પણ કારગર છે. કીવી ત્વચાને સારુ પોષણ આપે છે.
કીવીમાં રહેલા ટી-ઈન્ફ્લેમેટરી ગુણોને કારણે કીવી ત્વચામાં થતા સોજા, ખીલ જેવી સમસ્યાઓને ઓછી કરવામાં મદદ કરે છે. તે તમારી ત્વચાને સાફ કરવામાં મદદરુપ થશે.
કીવીમાં રહેલા વિટામીન C અને એન્ટી ઓક્સીડેન્ટ, આપણા શરીરમાં ઓક્સીડેટિવ તણાવને ઓછું કરે છે અને ત્વચાને યુવાન અને સ્વસ્થ બનાવે છે. તે આપણા ત્વચાને કોમળ બનાવે છે.