Karnataka Election Results 2023: ક્યાંક પિતા-પુત્રની જોડી, તો ક્યાંક પુત્રીએ પિતા સાથે છેડ્યું રાજકીય યુદ્ધ, જાણો પરિણામ
Karnataka Election Results 2023: કર્ણાટક વિધાનસભા ચૂંટણીમાં એક જ પરિવારના ઘણા સભ્યો અલગ અલગ સીટો પર ચૂંટણી લડી રહ્યા છે. અમુક સીટ પરથી પિતા તો અમુક સીટ પરથી પુત્ર મેદાનમાં છે. આવી સ્થિતિમાં આ અલગ-અલગ બેઠકો પરના ચૂંટણી પરિણામો શું આવશે, તેના પર સૌની નજર છે.
BTM લેઆઉટ અને જયનગર: પિતા-પુત્રીની જોડી-દિગ્ગજ નેતા રામલિંગા રેડ્ડી કોંગ્રેસની ટિકિટ પર કર્ણાટકની BTM લેઆઉટ બેઠક પરથી ચૂંટણી લડી રહ્યા છે, જ્યારે તેમની પુત્રી સૌમ્યા રેડ્ડી જયનગર બેઠક પરથી ચૂંટણી લડી રહી છે. આ રીતે પિતા-પુત્રીની જોડી ચૂંટણી જંગમાં ઉતરી છે.
પિતા-પુત્ર-ભાઈની પ્રતિષ્ઠા દાવ પર-જેડીએસના વડા એચડી કુમારસ્વામી કર્ણાટક વિધાનસભા ચૂંટણીમાં ચન્નાપટના બેઠક પરથી ચૂંટણી લડી રહ્યા છે, જ્યારે તેમના પુત્ર નિખિલ કુમારસ્વામી રામનગરા બેઠક પરથી પોતાનું નસીબ અજમાવી રહ્યા છે. તેમજ કુમારસ્વામીના મોટા ભાઈ અને દેવેગૌડાના બીજા પુત્ર એચડી રેવન્ના હોલેનારસીપુરા સીટથી છે.
જીટી દેવેગૌડા, હરીશ ગૌડા-જીટી દેવગૌડા કર્ણાટકની ચામુંડેશ્વરી સીટથી JDSની ટિકિટ પર ચૂંટણી લડી રહ્યા છે જ્યારે તેમના પુત્ર હરીશ ગૌડા હુનસુરથી નસીબ અજમાવી રહ્યા છે. આ રીતે પિતા-પુત્રીની જોડી ચૂંટણી મેદાનમાં ઉતરી છે.
Published On - 9:50 am, Sat, 13 May 23
