Photos: પોતાના નવા રિયાલીટી શો ‘લોક અપ’ રિલીઝ થવાના પહેલા બાંગ્લા સાહિબ ગુરુદ્વારા પહોંચી કંગના અને એકતા
હાલમાં જ આ શોનું ટીઝર રિલીઝ થયું હતું, જેના વિશે કંગનાએ પોતે માહિતી આપી હતી. કંગના રનૌતે પણ આ ટીઝર તેના ઈન્સ્ટાગ્રામ એકાઉન્ટ પર શેર કર્યું છે.
કંગના ટૂંક સમયમાં ડિજિટલ ડેબ્યૂ કરવા જઈ રહી છે. તે OTT પ્લેટફોર્મ પર ધમાલ મચાવવા તૈયાર છે. તે ટૂંક સમયમાં એકતા કપૂરના પ્રોડક્શન રિયાલિટી શો 'લોક અપ'માં જોવા મળશે.
કંગના રનૌત અને એકતા કપૂર શો 'લોક અપ' માટે દિલ્હીના બાંગ્લા સાહિબ ગુરુદ્વારા પહોંચી હતી. જેની તસવીરો સામે આવી છે. આ તસવીરોમાં કંગના રનૌત અને એકતા કપૂરને એકસાથે જોઈ શકાય છે.
આ રિયાલિટી શોના ટીઝરમાં કંગના રનૌત ખૂબ જ બોલ્ડ અંદાજમાં જોવા મળી રહી છે. કંગનાના હાથમાં લાકડી છે અને તે જેલની મુલાકાત લેતી જોવા મળી રહી છે. તે લાકડી હલાવતી વખતે પોતાની સ્ટાઈલમાં વાત કરી રહી છે જ્યારે તેની આસપાસ જેલના સળિયા દેખાય છે.
કંગના આ વીડિયોમાં કહેતી જોવા મળી રહી છે કે, 'આ દુનિયામાં બે પ્રકારના લોકો છે, એક જે મને પસંદ કરે છે અને બીજા B ગ્રેડ સ્ટ્રગલર જેઓ મારી સાથે ખરાબ વર્તન કરીને સમાચારોમાં રહે છે. આવા નફરત કરનારાઓ જેમણે મારો અવાજ દબાવવા માટે ઘણી વખત એફઆઈઆર નોંધાવી અને નેપોટીઝ્મનો ફોર્મ્યુલા પણ અપનાવ્યો. મારા જીવનને 24*7 રિયાલિટી શો બનાવ્યો. પણ હવે મારો વારો છે. હું લાવી રહી છું 'ધ ફાધર ઓફ ધ બિગેસ્ટ રિયાલિટી શો' માય જેલ માય રૂલ્સ.
આ વીડિયો દ્વારા કંગના આગળ કહી રહી છે કે, 'મારી કેદમાં 16 વિવાદાસ્પદ સેલેબ્સ હશે, જેમની સાથે હું જે ઈચ્છું તે જ થશે. 'લોક અપ' 27 ફેબ્રુઆરીથી MX Player અને Alt Balaji પર સ્ટ્રીમ કરવામાં આવશે, તે પણ એકદમ ફ્રી. અહીં તમારા પિતાના પૈસાથી પણ તમને જામીન નહીં મળે.