આ રાજવી પરિવાર વર્ષોથી કરે છે રાજકારણમાં રાજ, કોંગ્રેસના નેતા માધવ રાવ સિંધિયાની બહેન છે વસુંધરા રાજે
દેશમાં ઘણા એવા રાજવી પરિવારો છે જેઓ રાજકારણમાં છે. આ રાજવી પરિવારોના સભ્યો સંસદ અને વિધાનસભાઓમાં તેમના પ્રદેશોનું પ્રતિનિધિત્વ કરે છે. આ રાજવી પરિવારોમાંથી આવતા ઘણા રાજકારણીઓ પણ એકબીજાના સંબંધી છે. યુપીના કુંડાથી અપક્ષ ધારાસભ્ય રાજા ભૈયા અને જ્યોતિરાદિત્ય સિંધિયાની કાકી વસુંધરા રાજે પણ સંબંધી છે.
વસુંધરા રાજે વર્ષ 1984માં રાજકારણમાં પ્રવેશ કર્યો, જેના કારણે તેમને ભારતીય જનતા પાર્ટીની રાષ્ટ્રીય કાર્યકારિણીના સભ્ય તરીકે નિયુક્ત કરવામાં આવ્યા. વર્ષ 1985માં, વસુંધરા રાજેને રાજસ્થાન ભાજપ યુવા મોરચાના ઉપાધ્યક્ષ તરીકે નિયુક્ત કરવામાં આવ્યા અને તે જ વર્ષે તેઓ ધોલપુર મતવિસ્તારમાંથી ધારાસભ્ય તરીકે ચૂંટાયા. બસ અહિથી તેમની રાજનીતિ શરુ થઈ.
વસુંધરા રાજેનો જન્મ 8 માર્ચ 1953ના રોજ મુંબઈમાં થયો હતો. તત્કાલીન ગ્વાલિયર રાજ્યના વિજયા રાજે સિંધિયા અને મહારાજા જીવાજીરાવના પાંચ સંતાનોમાં તે ચોથા સ્થાન છે. તે મધ્ય પ્રદેશ કોંગ્રેસના નેતા માધવ રાવ સિંધિયાની બહેન છે. તેમના લગ્ન ધોલપુરના જાટ રાજવી પરિવાર સાથે થયા હતા. હાલમાં તે ભાજપમાં છે.
લગભગ 20 વર્ષની ઉંમરે, 1972-73માં, તેના લગ્ન ધોલપુર રાજવી પરિવારના હેમંત સિંહ સાથે થયા હતા. લગ્ન પછી જ્યારે પુત્ર દુષ્યંતનો જન્મ થયો ત્યારે પતિ-પત્ની પરસ્પર સંઘર્ષના કારણે અલગ થઈ ગયા હતા.
વસુંધરા રાજેનો પુત્ર દુષ્યંત હંમેશા તેમની ચૂંટણી સભાઓમાં તેમની સાથે જોવા મળતો હતો. દુષ્યંત સક્રિય રાજનીતિમાં છે, વસુંધરા રાજેની પુત્રવધૂ નિહારિકા રાજે પણ પોતાની સાસુને વિજયી બનાવવા માટે લોકો પાસે વોટ માંગી ચૂકી છે.
સિંધિયા પરિવાર દેશમાં ચર્ચિત પરિવાર છે. આ પરિવારના કેટલાક સભ્યો મોટા હોદ્દા પર છે. જ્યોતિરાદિત્યના પિતા માધવરાવ સિંધિયા અને તેની બહેન વસુંધરા એટલે કે, જ્યોતિરાદિત્ય સિંધિયાની ફુઈ રાજનીતિમાં સક્રિય છે. તે રાજસ્થાનની સીએમ પણ રહી ચૂકી છે.
